"Англия Еврони ютади, агар чемпион бўла олмасак, ҳайрон қоламан. Ким биздан кучлироқ? Франция бўлиши мумкин. ЖЧ-2022да Франция билан сўнгги бор тўқнаш келгандик ва ўша учрашув тенг курашлар остида кечганди, аммо Харри Кейн пенальтидан фойдалана олмаган. Кейн пенальтидан гол урганида, биз аниқ ғалаба қозонган бўлар эдик.
Германия? Йўқ, Португалия? Йўқ, улар қариётган терма жамоа. Англия ютуқ ва мағлубиятларга тўла тажрибага эга. Англия тайёр.
Англия терма жамоаси билан ҳеч ким тенглаша олмайди. Бизнинг захирамиздаги футболчилар, бошқа терма жамоанинг асосий таркибидан жой олиши аниқ. Маркус Рэшфорд ва Жэк Грилиш каби футболчилар терма жамоага жалб этилмайдиган бирор бир мамлакатни билмайман. Европа терма жамоаларидан фақатгина Килиан Мбаппе ва Виржил Ван Дейкларни Англия терма жамоасига қўшиш мумкин", - деди "Арсенал" собиқ футболчиси.

"Англия Евро-2024да ғалаба қозонмаса, ҳайрон қоламан"