Ушбу учрашувда "шаҳарликлар" 80,9, "канонирлар" эса 19,1 фоиз вақт давомида тўпни ушлаб тура олди. Баҳс давомида Артета жамоаси рақиб дарвозаси томон бирорта аниқ зарба бера олмади. "Сити"да эса бу рақам 10ни ташкил қилди. Зарбалар бўйича умумий ҳисоб - 25:1.

Мезбонлар учрашувда 757 пас амалга оширган бўлса, меҳмонлар 179 марта бу ишни амалга оширди ҳолос.

Ундан ташқари, "Арсенал" 67 йилдан кейин илк марта АПЛнинг дастлабки уч турида юта олмади. Бунга қадар шундай ҳолат 1954/55 йилги мавсумда содир бўлганди. Шунингдек, 1953/54 йилги мавсумдан буён илк марта жамоа дастлабки уч турда бирорта гол уришни уддаламади.

Айни дамда "Арсенал" АПЛ турнир жадвалининг сўнгги поғонасини эгаллаб турибди. Келаси турда лондонликлар "Норвич"га қарши баҳс олиб боради.

Антирекордлар сари одимлаётган "Арсенал"!