Ўйин ҳақида

- Бугун мавсумдаги илк ғалабамизни қўлга киритдик. Мавсумнинг боши ҳар доим қийин бўлади. Футболчиларимизга рахмат айтаман. "Дўстлик" жамоасига кейинги ўйинларда омад тилайман.

- Вазиятлардан фойдаланиш даражасига қандай баҳо берасиз?

- Жуда ёмон. Бунақа имкониятларни қўлдан бой бермаслик керак. Футболчи майдонга тушдими, ҳар доим максимал ҳаракат қилиши керак. Машғулотларда бу борада ишлаяпмиз.

- Ўйиннинг 78-дақиқасида Нодирбек Мукаров бирга-бир вазиятдан фойдалана олмади. Ўша вазиятда ҳафсалангиз пир бўлгандек кўринди...

- Бу вазият бўйича Мукаровни ўзи билан гаплашганмиз. У ўша вазиятда гол бўлди деб ўйлаган. Вазиятгача бир оз бўшашди. Лекин Мукаров бугун ўзига бўлган ишончни оқлади. Жамоамизнинг биринчи голини урди. Вазиятларни кўриб чиқиб, таҳлил қиламиз.

- "Шўртан" ярим соат мобайнида бир киши кўп бўлиб ҳаракат қилди. Натижадан қанчалик қониқдингиз?

- Тўғрисини айтсам, натижадан қониқдим. Ўйиндан эса йўқ. Футболчиларим бундан кўпроғига қодир эди.

- Олдинда "Машъал"га қарши ўйин кутиб турибди. Бу учрашув ҳақида нималарни айта оласиз?

- Бугунги ўйиндан сўнг футболчиларга бир кун дам берамиз. Кейин машғулотларга киришамиз. "Шўртан" ҳар бир ўйинда ғалаба учун майдонга чиқади.

Анвар Бердиев: "Натижадан қониқдим. Ўйиндан эса йўқ"