"Ҳар бир ўйин ўзига яраша қийинчиликлар туғдиради. Шуни ўзгартиришга ҳаракат қилдик. Иккала таймдаги иккита жароҳат ва мажбурий ўзгаришлар режаларимизни бузиб юборди. Бундан яхшироқ ўйин кутгандим. Бизда янада кучлироқ бўлиш учун имконият бор. Ўйлайманки барчаси яхшиликка", - деди Анвар Ғофуров.
- Дарвозабон Даврон Мерганов жиддий жароҳат олди ва унинг ҳозирги ҳолати қандай?
- У ерда рақиб бутсанинг тишлари билан дарвозабонимизнинг тиззасига ҳаракат қилди. Менимча бу вазият учун сариқ карточка кам. Бундай вазиятлар ва бундай қарорлар камроқ бўлиши керак.
- Беҳруз Каримов ва Чинедунинг захирада қолдирилишига нима сабаб бўлди? Уларда жароҳат бормиди?
- Уларда жароҳат йўқ эди, шунчаки иккинчи таймда ўйинни кучайтириш учун режа эди. Апрель ойида ўйинлар жуда кўп, шу боис футболчиларга дам беряпмиз.
- Футболда омад қанчалик таъсир қилади натижага?
- Мен ўзимдан олдинги мураббийнинг ишига баҳо бермайман. Ўйлайманки балки футболчиларга ҳозирги талаблар ёқмоқда, балки бу ҳам ўз таъсирини ўтказаётгандир. Футболда омад ҳам керак.
- Тажрибали мураббийлардан нимларни ўргангансиз?
- Ҳар бир рақибни ўрганиб чиқамиз ва шунга қараб ўзимизга керакли режа ишлаб чиқамиз. Ростини айтсам Вадим Абрамовнинг ўйинларини маза қилиб кўраман. Кўпроқ чет эллик мураббийларнинг ўйин услубидан ўрганишга уринаман.
- Каримовнинг жароҳати сизни ташвишга солмаяптими? Чинеду ўтган ўйиндан кейин тўпурар бўлишга уринаман деганди. Бунга қанчалик ишонасиз?
- Беҳрузнинг жароҳати албатта ҳавотирга солмоқда. У клубимизга, терма жамоамизга керакли футболчи. Ҳар бир футболчи нима бўлишидан қатъи назар тўхтаб қолмаслиши керак. Шифокорлар кўригидан кейин нимадир айта оламан. Чинедунинг потенциали юқори. Ишонаманки у бундан кучлироқ ўйин намойиш эта олади. Ўйинлар ораси қисқа бўлгани учун қайсидир футболчининг потециалини очиб бериш қийин, асосий урғу тикланишга қаратилади. Захира? Ҳар бир футболчига ишонаман, уларнинг профессионал шартномаси бор. Ҳаммага имконият бераман, фойдаланиш футболчининг ўзига боғлиқ.
Бугун стадионга келиб бизни қўллаб турган мухлисларимизга раҳмат айтаман.
