"Мухлисларга ёқадиган ўйин намойиш этилди. Икки жамоа учун ҳам қийинчиликка учради. Ўйин сўнгида омад "Насаф" томонда бўлди. Биз ғалаба қозониб кетишимиз мумкин эди.

Барқарор ўйинимнинг сабаби – меҳнат ва Яратганинг қўллови. Биз чемпионлик пойгасида охиригача курашамиз. VAR йўқлиги ҳақида ўйинга чиқаётган чоғимизда билдик. Бизга бунинг қизиғи йўқ эди. Биз футбол ўйнаймиз.

Пенальти вазияти тез рўй берди. Барчаси аниқ эсимда йўқ, аммо имкон қадар йиқилмасликка ҳаракат қилдим, лекин оёғимни илиб қолишди.

Ўйин темпи қандай кечишини олдиндан билмаймиз. Танаффусдан сўнг йигитлар бироз эркинликка берилди. Биринчи даврада барча учрашувлар қийин кечди. Осон ўйин бўлгани йўқ", – дея фикр билдирди Анвар Ҳожимирзаев баҳс якунлангач.

Анвар Ҳожимирзаев: "Ўйин сўнгида омад "Насаф" томонда бўлди"