- Ўйин ҳақида

- Йигитларимиз билан фахрланаман. Биз чиройли ва сифатли ўйин намойиш қилдик. Биз майдонда устунлик пайтлар ҳам бўлди. Майдонда боримизни бердик. "Бунёдкор" Суперлигада кам очко тўпламаган, муносиб рақиб.

- Жамоа бугун ҳимояда яхши ўйнади, бироқ ҳужумда оқсаш кузатилмоқда...

- Ҳужумчиларимиз яхши ҳаракат қилишди. Бизда яхши савиядаги ҳужумчилар мавжуд. Тўғри, уларда ҳаммаси ҳам ўхшамади, бироқ фаол ҳаракатланишди. Биз "Бунёдкор"ни ўрганиб чиққандик, улар "Металлург"га 4 та гол уришди, бу бежиз эмас. Биз жамоавий ўйин кўрсатамиз.

- "Сурхон" бош мураббийи сифатида 6 та расмий ўйин ўтказдингиз. Мана шу муддат ичида ўзбек футболи ҳақидаги тасаввурларингиз қанчалик ўзгарди?

- Тўғриси, ижобий маънода ҳайратдаман. Чунки бу ерда футбол юқори савияда – ташкилотчилик, жамоалар ва ҳоказо. Биз кўп меҳнат қилаётганимизга қарамай, ҳамма ўйинда ҳам гол ура олмадик. "Навбаҳор", "Бунёдкор" клублари ўйинларини кўришга улгурдим. Айтишим мумкинки, Суперлига Осиёнинг етакчи чемпионатларидан бири экан. Бу ерда коп вақт ишлашни ва "Сурхон"га фойда келтиришни хоҳлаган бўлардим.

- Рақиб жамоа сафида энг фаол ўйнаган футболчи сифатида Сарвар Каримовни кўрсата оласизми?

- "Бунёдкор" ўз услубига эга кучли жамоа. Мен Давронжон Эргашев ва Дилшод Жўраевни ажратиб кўрсатган бўлардим. Улар тажовузкор ҳаракат қилишади ҳамда майдонда кўп меҳнат қилишади. Ўйиндан олдин йигитларга уларни эътироф этгандим ва жиддий ҳозирлик кўргандик.

Анхель Лопес: "Ўзбекистон футболидан ижобий маънода ҳайратдаман"