Қуйида 38-тур учрашувлари превьюси билан танишинг.

26.07 20:00 (Тошкент вақти) “Арсенал” – “Уотфорд”

"Арсенал" "Астон Вилла"дан учралган мағлубият(0:1)дан сўнг, мавсумни "Тоттенхэм"дан пастроқда якунлаши ойдинлашди. Бугунги баҳс Микель Артета шогирдлари учун Англия кубоги финали олдидан тайёргарлик вазифасини ўтаб беради.

Ғалаба "Уотфорд"га сув ва ҳаводек зарур. Чунки 18-ўринда бораётган жамоа Премьер-лигада қолиш учун курашмоқда ва ҳали умид бор.

Таркиблар бўйича

Микель Артета Бернд Лено, Калум Чемберс, Пабло Мари, Шкодран Мустафи ва Габриэл Мартинеллининг хизматидан фойдалана олмайди.

Рис Нелсон ва Месут Озилнинг ҳолати ўйиндан олдин ўрганиб чиқилади, Маттео Гендузи клуб томонидан жазолангани боис майдонга тушмаса керак.

Киран Тирни, Гранит Жака ва Николя Пепе бугунги ўйинни асосий таркибда бошламасликлари мумкин.

"Уотфорд"нинг вақтинчалик бош мураббийи Хейден Маллинсда жароҳатлар билан боғлик янги ҳолатлар мавжуд эмас, лекин бугун Дэрил Янмат, Айзак Саксесс, Этьен Капу ва Жерар Деулофеу клубга ёрдам бера олишмайди.

"Манчестер Сити"га қарши ўйнаган таркибдан фарқли ўлароқ, бир нечта ўзгаришлар қилиниши кутилмоқда.

Натаниэл Чалоба ва Дэнни Уэлбек 11 талик таркибдан жой олишлари мумкин.

Ўзаро ўйинлардаги натижалар

Жами ўйинлар сони	“Арсенал” ғалабаси	Энг йирик ютуғи	“Уотфорд” ғалабаси	Энг йирик ютуғи	Дуранг
31 та	17 (55%)	4:0	12 (39%)	3:0	2 (6%)

Ўйинга оид фактлар:

- "Арсенал" "Уотфорд"га қарши кечган сўнгги 7 уй ўйинидан 5 тасида ўз дарвозасидан тўп олиб чиқмаган (барча мусобақалар).
- "Уотфорд" охирги 5 сафар ўйинида фақат мағлуб бўлган (Премьер-лига).

Тахминий таркиблар

"Арсенал” (3-4-3): Мартинес - Холдинг, Луис, Тирни - Эктор Бельерин, Жака, Себальос, Мейтленд-Найлз - Пепе, Ляказетт, Обамеянг
"Уотфорд” (4-3-3): Фостер - Мариаппа, Кабаселе, Доусон, Мазина - Дукуре, Чалоба, Хьюз - Сарр, Дини, Уэлбек

Жамоаларнинг жароҳатланган футболчилари: Лено, Чемберс, Мари, Мустафи, Мартинелли (Арсенал"), Янмат, Саксесс, Капу, Деулофеу ("Уотфорд)

Сўроқ остида: Гендузи, Озиль, Нелсон ("Арсенал")

26.07 20:00 (Тошкент вақти) “Бёрнли" - "Брайтон"

"Бёрнли" Премьер-лигада ҳавас қиларли жамоага айланди. Клуб охирги 15 ўйиндан фақат 2 тасида мағлуб бўлди холос ("Ман Сити" ва "Норвич"га). Бу қойилмақом натижа!

"Брайтон" бугун ўзига ишонган ҳолда ҳаракатланади, сабаби клуб АПЛда қолишини расман аниқ қилиб улгурган. Жамоа охирги 6 сафар ўйинида мағлубиятга учрамагани билан ҳам мақтана олади.

Таркиблар бўйича

Чарли Тейлорнинг иштироки сўроқ остида турибди, демак, Эрик Питерс асосийда ўйнайди.

Шон Дайч бугунги футбол оқшомида Корк, Ми, Лоутон, Гибсон ва Барнснинг хизматидан фойдалана олмайди, улар ўз жароҳатларини даволаш билан бандлар.

Мураббийлар штаби катта еҳтимол билан ўтган ўйинда "Норвич"ни мағлуб этган таркибни майдонга туширишади.

"Брайтон" қандан натижа қайд этилишидан қатьи назар Премьер-лигадан тушиб кетмайди, жамоа "Бёрнли"га қарши ҳеч қандай босимсиз ўйнайди.

Ҳимояда ишончли ўйнайдиган Адам Уэбстер ва ҳужумчи Алиризо Жаҳонбахш асосий таркибда майдонга тушишлари кутиляпти.

Хосе Искьердо ва Стивен Альсате "Терф Мур"даги учрашувни ўтказиб юборишади.

Ўзаро ўйинлардаги натижалар

Жами ўйинлар сони	“Бёрнли” ғалабаси	Энг йирик ютуғи	“Брайтон” ғалабаси	Энг йирик ютуғи	Дуранг
27 та	8 (30%)	3:0	7 (26%)	3:1	12 (44%)

Ўйинга оид фактлар:

- "Бёрнли" "Брайтон"га қарши сўнгги 5 ўйиндан 1 тасида ғалаба қозонган (Премьер-лига).
- "Бёрнли" "Брайтон"га қарши охирги 8 ўйинда мағлубият нималгини билмаган (барча мусобақалар).

Тахминий таркиблар

"Бёрнли” (4-4-2): Поуп - Бардсли, Лонг, Тарковски, Питерс - Гудмундссон, Уэствуд, Браунхилл, Макнил - Вуд, Родригес
"Брайтон” (4-3-2-1): Райан - Лампти, Уэбстер, Данк, Бёрн - Биссума, Стивенс, Прёппер - Муй, Троссард - Мопе

Жамоаларнинг жароҳатланган футболчилари: Лоутон, Ми, Корк, Гибсон, Барнс ("Бёрнли"), Альсате, Искьердо ("Брайтон")

Сўроқ остида: Тейлор ("Бёрнли), Жаҳонбахш ("Брайтон")

26.07 20:00 (Тошкент вақти) “Челси” – “Вулверхэмптон”

"Челси" ўтган турда "Ливерпуль"га ютқазганига қарамасдан, турнирни кучли тўртликда якунлаш учун яхши имкониятга эга.

"Вулверхэмптон" ҳозирги ўрнидан, яъни, 6-ўриндан тепага кўтарила олмайди, бироқ бугун мағлуб бўлса, "Тоттенхэм" мавсумни "бўрилар"дан баландда тугатиши мумкин.

Таркиблар бўйича

Кристиан Пулишич "Челси" "Ливерпуль"га мағлуб бўлган ўйин(3:5)да Фрэнк Лэмпард уни захирада қолдириб хато қилганини исботлади. Бугун у албатта, асосий таркибда ҳакаракат қилади.

Каллум Хадсон-Одои охирги вақтларда тинмай меҳнат қилди, Лэмпард ҳам унинг машғулотлардаги ҳаракатларига юқори баҳо берди, у ҳам бугун асосий таркибда майдонга тушиши кутилмоқда.

Тэмми Абрахам ҳам катта еҳтимол билан 11 таликдан жой олади. Ҳа айтганча, у "бўрилар" билан бўлиб ўтган охирги учрашувда хет-трик қайд этган.

Агар бугун Маркос Алонсо майдонга тушса, жамоа уч ҳимоячи билан ҳаракат қилади ва ўша уч ҳимоячидан бири Сесар Аспиликуэта бўлади.

"Бўрилар" 2019/20 йилги мавсумни жароҳатланганларсиз тугатиши мумкин, чунки уларда сафдан чиққан футболчининг ўзи йўқ.

Даниэл Поденсе асосий таркиб учун курашади, у Адама Траоре ёки Диогу Жота захирада ўтришига сабабчи бўлиб қолиши мумкин. Бош мураббий Нуну Эшпириту Санту қандай қарорга келади, буниси бизга қоронғи.

Ўзаро ўйинлардаги натижалар

Жами ўйинлар сони	“Челси” ғалабаси	Энг йирик ютуғи	“Вулверхэмптон” ғалабаси	Энг йирик ютуғи	Дуранг
108 та	42 (39%)	6:0	39 (36%)	8:1	27 (25%)

Ўйинга оид фактлар:

- "Челси" "бўрилар"га қарши озирги 6 уй ўйинида мағлуб бўлмаган (барча мусобақалар).
- Ўзаро кечган сўнгги 10 учрашувдадан фақат 1 сида дуранг қайд этилган (Премьер-лига).

Тахминий таркиблар

"Челси” (3-4-3): Аррисабалага - Аспиликуэта, Зума, Рюдигер - Жеймс, Жоржиньо, Ковачич, Алонсо - Виллиан, Абрахам, Пулишич
"Вулверхэмптон” (3-4-3): Патрисиу - Боли, Коуди, Саисс - Доэрти, Невиш, Моутинью, Хони - Траоре, Хименес, Жота

Жамоаларнинг жароҳатланган футболчилари: Томори, Гилмор ("Челси")

Сўроқ остида: Канте ("Челси")

26.07 20:00 (Тошкент вақти) “Кристал Пэлас” – “Тоттенхэм"

"Кристал Пэлас" мавсумни жуда қўрқинчли тарзда тугатмоқда. Рестартни "Борнмут" устидан қозонилган ғалабадан бошлаган жамоа кейинги 7 ўйинда фақат ютқазди.

"Тоттенхэм" эса аксинча мавсумни кўтаринки кайфиятда якунламоқда. Клуб ғалабали сериясини давом эттириш ҳамда Европа Лигаси йўлланмасини нақ қилиш истагида.

Таркиблар бўйича

Кристиан Бентеке дисквалификация туфайли қатнашмайдиган бўлса, жароҳатдан тикланаётган жамоа сардори Лука Миливоевич эса ўйинда иштирок этишдан умидвор.

Рой Хожсон бир нечта ҳимоячилардан фойдалана олмайди, булар - Патрик ван Анхолт, Сако, Томкинс, Кэхилл.

Куяте ёки Келли Саконинг ўрнини босиши кутилмоқда.

Эрик Дайер 4 ўйинлик дисквалификация муддатини ўтаб бўлди.

Танги Ндомбеле ҳали сафга қайтмаган, аммо Моуриньюнинг айтишича, Деле Алли ҳафта мобайнида жамоа билан бирга шуғалланган.

Ўзаро ўйинлардаги натижалар

Жами ўйинлар сони	“Кристал Пэл” ғалабаси	Энг йирик ютуғи	“Тоттенхэм” ғалабаси	Энг йирик ютуғи	Дуранг
50 та	10 (20%)	3:0	27 (54%)	4:0	13 (26%)

Ўйинга оид фактлар:

- "Тоттенхэм" "Кристал Пэлас"га қарши сўнгги 8 ўйинидан 7 тасида гол ўтказмаган (барча мусобақалар).
- "Тоттенхэм" охирги ўзаро кечган 8 баҳсдан 7 тасида ғалаба қозонган (барча мусобақалар).

Тахминий таркиблар

"Кристал Пэлас” (4-4-2): Гуайта - Уорд, Куяте, Данн, Митчелл - Маунсенд, Маккарти, Макартур, Шлупп - Заха, Айю
"Тоттенхэм" (4-2-3-1): Льорис - Орье, Санчес, Алдервейрелд, Дэвис - Уинкс, Сиссоко - Моура, Алли, Сон - Кейн

Жамоаларнинг жароҳатланган футболчилари: ван Анхолт, Томкинс, Сако, Кэхилл ("Кристал Пэлас"), Ндомбеле ("Тоттенхэм")

Сўроқ остида: Миливоевич ("Кристал Пэлас")

26.07 20:00 (Тошкент вақти) “Лестер" - "Манчестер Юнайтед"

"Лестер" "Манчестер Юнайтед"ни мағлуб эта олса, кучли тўртликка киришини яхши сезиб турибди. Дуранг ҳам қониқтириши мумкин, фақат бу учун "Вулверхэмптон" "Челси"ни ютиши керак бўлади.

"Манчестер Юнайтед" шунчаки яхши натижа қайд этишга уринади. Жамоа ютқазган тақдирда ҳам тўртликда қолиш икониятига эга, фақат бу учун "Вулверхэмптон" "Челси"ни мағлуб этиши лозим бўлади. Лекин Сульшер шогирдлари кейинги мавсум Чемпионлар Лигасида иштирок этиши учун бугун ғалаба қозонса кифоя.

Таркиблар бўйича

"Лестер" муҳим ҳимоячиларидан ва ярим ҳимоячи Мэддисондан айрилган.

Брендан Рожерс ўтган ўйиндаги мағлубият("Тоттенхэм", 0:3)дан тўғри хулоса чиқарган бўлиши мумкин.

Грей Перес ва Барнсни асосий таркибдан сиқиб чиқаришга уринади.

Сульшер ўнгга Уан-Биссакани, чапга Шоуни асосий таркибда майдонга тушириши кутиляпти,

Шунингдек, таянч нуқтасида Погба-Матич жуфтлиги ҳаракатланиши еҳтимоли юқори.

Ўзаро ўйинлардаги натижалар

Жами ўйинлар сони	“Лестер” ғалабаси	Энг йирик ютуғи	“Ман Ю” ғалабаси	Энг йирик ютуғи	Дуранг
127 та	32 (25%)	6:0	66 (52%)	5:0	29 (23%)

Ўйинга оид фактлар:

- "Манчестер Юнайтед" "Лестер"га қарши сўнгги 8 баҳсдан 7 тасида ғалаба қозонган (барча мусобақалар).
- "Лестер" МЮга қарши охирги 10 ўйинда ғалабага эришмаган (Премьер-лига).

Тахминий таркиблар

"Лестер” (3-4-3): Шмейхель - Беннетт, Морган, Эванс - Жастин, Тилеманс, Ндиди, Томас - Перес, Варди, Барнс
"Манчестер Юнайтед" (4-2-3-1): Де Хеа - Уан-Биссака, Линделёф, Магуайр, Шоу - Погба, Матич - Гринвуд, Фернандеш, Рэшфорд - Марсьяль

Жамоаларнинг жароҳатланган футболчилари: Перейра, Чилуэлл, Амарти, Мэддисон ("Лестер"), Жонс, Байи, Туанзебе "(Манчестер Юнайтед")

Сўроқ остида: Олбрайтон ("Лестер"), Шоу ("Манчестер Юнайтед")

26.07 20:00 (Тошкент вақти) “Вест Хэм" - "Астон Вилла"

Шубҳасиз, тенг кучли рақиблар тўқнашуви.

Дэвид Мойес бош мураббийлигидаги “Вест Хэм” 15-ўринга жойлашган бўлса, АПЛда жон сақлашга ҳаракат қилётган “Астон Вилла” айни дамда 17-ўринни банд этиб турибди.

Таркиблар бўйича

Маркус Рэшфордга етарлича қаршилик кўрсата олган ёш Бен Жонсон ўнг қанот ҳимоясида ўйнайди. Масуаку чап қанотга жойлашади.

"Вест Хэм" аъзоларидан Крессуэлл ва Боуэн жароҳатга йўлиққан.

"Астон Вилла"да Кортни Хаус яна захирада қолдирилиши кутилмоқда.

Ал-Муҳаммади жароҳат олганини инобатга олсак, ўнг қанотга Гильбер жойлашади.

Ҳужум чизиғида Саматта ҳаракат қилади.

Ўзаро ўйинлардаги натижалар

Жами ўйинлар сони	“Вест Хэм” ғалабаси	Энг йирик ютуғи	“А. Вилла” ғалабаси	Энг йирик ютуғи	Дуранг
112 та	41 (37%)	7:2	38 (34%)	6:1	33 (29%)

Ўйинга оид фактлар:

- "Вест Хэм" охирги 5 уй ўйинида "Астон Вилла"га мағлуб бўлмаган (барча мусобақалар).

Тахминий таркиблар

"Вест Хэм” (4-2-3-1): Фабиански - Жонсон, Диоп, Огбонна, Масуаку - Райс, Соучек - Боуэнн, Нобл, Форнальс - Антонио
"Астон Вилла" (4-3-3): Рейна - Гильбер, Конса, Мингс, Таргетт - Макгинн, Луис, Хурихан - Трезеге, Саматта, Грилиш

Жамоаларнинг жароҳатланган футболчилари: Перейра, Чилуэлл, Амарти, Мэддисон ("Лестер"), Жонс, Байи, Туанзебе "(Манчестер Юнайтед")

Сўроқ остида: Олбрайтон ("Лестер"), Шоу ("Манчестер Юнайтед")

Шунингдек, якуний турда қуйидаги баҳслар ўтказилади:

26.07 20:00 "Саутгемптон" - "Шеффилд Юнайтед"

26.07 20:00 "Ньюкасл" - "Ливерпуль"

26.07 20:00 "Манчестер Сити" - "Норвич"

26.07 20:00 "Эвертон" - "Борнмут"

Шерзод Нурматов тайёрлади.

АПЛ. “Лестер” – МЮ, “Челси” – “Вулверхэмптон” ва якуний турнинг бошқа ўйинлари учун превью