Ўйинда ҳисоб 4-дақиқадаёқ “шаҳарликлар” аъзоси Рияд Маҳрез томонидан очилди. 37-дақиқада Кайл Уокер ўз жарима майдонида ичида рақиб футболчисига қўполлик ишлатди ва Жейми Варди мезбонлар дарвозаси томон белгилаган пенальтини аниқ амалга оширди.

2-тайм ўрталарида яна Варди гол уриб, “тулкилар”ни олдинга олиб чиқди. Мазкур вазиятдан бироз ўтиб, ҳакам Эрик Гарсиянинг қоида бузарлиги туфайли ўйинда иккинчи маротаба “Ман Сити” дарвозасига пенальти белгилади. 11 метрлик нуқтага яқинлашган Варди эса бу сафар ҳам зарбада адашмади – 3:1.

77-дақиқада захирадан ўйинга қўшилган Жеймс Мэддисон орадаги фарқни йириклаштирди. Натан Аке ўйин тугашига оз қолганида ҳисобни қисқартирди. Бироқ, 88-дақиқада меҳмонлар яна пенальти тепиш имкониятига эга бўлишди ва бу гал Юри Тилеманс Эдерсонни ожиз қолдирди, якуний ҳисоб – 5:2!

Манчестер Сити – Лестер 2:5 (1:1, 1:4)
«Этихад Стэдиум»
Голлар: 1:0 – 4 Марез, 1:1 – 37, пенальти Варди, 1:2 – 54 Варди, 1:3 – 58, пенальти Варди, 1:4 – 77 Мэддисон, 2:4 – 84 Аке, 2:5 – 88, пенальти Тилеманс.
Манчестер Сити – Эдерсон, Уокер, Менди, Эрик Гарсия, Аке, де Брюйне, Фернандиньо (Делап, 51), Стерлинг, Фоден (Ферран Торрес, 64), Марез, Родри.
Лестер – Шмейхель, Джастин, Кастань, Эванс (Фукс, 80), Сеюнджю, Барнс, Амарти, Тилеманс, Менди, Прат (Мэддисон, 69), Варди (Ихеаначо, 85).
Огоҳлантиришлар: Тилеманс (22), Сеюнджю (47), Амарти (51), Аке (60).

ТУРНИР ЖАДВАЛИ

АПЛ. Гол+пенальтиларга бой ўтган “Ман Сити” – “Лестер" баҳсида “тулкилар” 5:2 ҳисобида зафар қучди