22.06 23:59 (Тошкент вақти) “Манчестер Сити” - “Бёрнли”

"Манчестер Сити" рестартни қийинчиликсиз "Арсенал" устидан қозонилган 3:0 ҳисобидаги ғалаба билан бошлади.

"Бёрнли" охирги марта карантиндан олдин "Тоттенхэм"га қарши ўйин ўтказиб, дуранг қайд этганди (1:1).

"Шаҳарликлар" турнир жадвалида 2-ўринни эгаллаб турган бўлишса, Шон Дайч шогирдлари 11-ўринга жойлашишган.

Таркиблар бўйича

Шунча вақт дам олингани ва тикланишдаги ғалабага қарамасдан, Пеп Гвардиола ротацияга қўл уриши кутилмоқда.

Бошидан жароҳат олган Эрик Гарсия шубҳасиз, "Бёрнли" га қарши ўйинда қатнашмайди.

Лерой Сане яна захирада қолдирилиши кутиляпти.

Фернандиньо, Родриго, Серхио Агуэро ва Бернарду Силва ўйинни асосий таркибда бошлашлари айтилмоқда.

"Бёрнли" вингери Йоханн Гудмундссон машғулотларга қайтган, лекин душанба куни майдонга тушиш, у учун ҳали эрталик қилади. Ҳужумчи Крис Вуд ҳам худди шундай ҳолатда.

Мэттью Лоутон сайга қайтган, бироқ 11 талик таркибда Фил Бардслига имкониятни бой бериши мумкин.

Шон Дайч учун катта йўқотиш – бу Эшли Барнс. У белидан олган жароҳати туфайли ўйинни ўтказиб юборишга мажбур.

Вуд ва Барнс мавжуд эмас экан, демакки, ҳужум чизиғида Жей Родригес ва Матей Видра жуфтлиги ҳаракатланади.

Ўзаро ўйинлардаги натижалар

Жами ўйинлар сони	“Ман Сити” ғалабаси	Энг йирик ютуғи	“Бёрнли” ғалабаси	Энг йирик ютуғи	Дуранг
101 та	47 (46%)	7:0	30 (30%)	5:2, 6:3	24 (24%)

Ўйинга оид фактлар:

- "Манчестер Сити" охирги 34 уй ўйинидан 29 тасида ғалаба қозонган (Премьер-лига).
- "Шаҳарликлар" "Бёрнил"га қарши сўнгги 4 уй урашувидан 3 тасида 4 тадан кам гол урмаган (барча мусобақалар).
- "Манчестер Сити" сўнгги 8 уй баҳсида камида 2 та гол урган (барча мусобақалар).
- "Манчестер Сити" "Бёрнли" билан охирги 9 ўйиндан 8 тасида ғалабага эришган (барча мусобақалар).
- "Бёрнли" сўнгги 7 ўйинда ютқазмаган (Премьер-лига).

Тахминий таркиблар

"Манчестер Сити" (4-3-3): Эдерсон - Уокер, Фернандиньо, Ляпорт, Менди - Де Брёйне, Родри, Д.Сильва - Б. Силва, Агуэро, Стерлинг

"Бёрнли” (4-4-2): Поуп - Бардсли, Тарковски, Ми, Тейлор - Хендрик, Уэствуд, Корк, Макнил - Видра, Родригес

Жамоаларнинг жароҳатланган футболчилари: Гарсия ("Манчестер Сити”), Барнс ("Бёрнли")

Сўроқ остида: Браво, Стоунз (“Манчестер Сити”), Гудмундссон, Вуд ("Бёрнли")

Турнир жадвали

Шерзод Нурматов тайёрлади.

АПЛ. “Манчестер Сити” – “Бёрнли” баҳси учун превью