АПЛ. "Манчестер Юнайтед" - "Вест Хэм" 1:0

Голлар: Маркус Рэшфорд (Кристиан Эриксен) 38'

"Манчестер Юнайтед": 1. Давид де Хеа, 20. Диогу Далот, 5. Харри Магуайр, 6. Лисандро Мартинес, 23. Люк Шоу, 18. Каземиро, 14. Кристиан Эриксен (17. Фред 79'), 36. Энтони Эланга (39. Скотт Мактоминей 61'), 8. Бруну Фернандеш, 10. Маркус Рэшфорд, 7. Криштиану Роналду.
Захира: 30. Натан Бишоп, 31. Мартин Дубравка, 12. Тайрелл Маласиа, 28. Факундо Пельистри ,34. Донни ван де Бек, 49. Алехандро Гарначо, 25. Жейдон Санчо.
"Вест Хэм": 1. Лукаш Фабианьский (13. Альфонс Ареоля 46'), 24. Тило Керер, 15. Крейг Доусон, 4. Курт Зума, 3. Аарон Крессуэлл, 28. Томаш Соучек, 41. Деклан Райс, 20. Жеррод Боуэн, 12. Флинн Даунс (8. Пабло Форнальс 78'), 22. Бенрахма Мохамед Саид, 7. Жанлука Скамакка (9. Майкл Антонио 57').
Захира: 2. Бен Жонсон, 5. Владимир Цоуфал, 21. Анджело Огбонна, 33. Эмерсон, 10. Мануэль Лансини, 32. Конор Ковентри.
Огоҳлантиришлар: Жанлука Скамакка 36', Томаш Соучек 72', Тило Керер 79', Бруну Фернандеш 90'

90+4. Ўйин тугади!

90+3. Жеррод Боуэннинг узоқ масофадан йўллаган кучли зарбасини де Хеа қайтарди! Даҳшатли сейв!

90+2. Учрашув сўнгги "ёнмоқда".

90. Ўйиннинг асосий вақтига 3 дақиқа қўшиб берилди.

86. Мактоминейнинг ҳаволатиб узатган тўпини Фред боши билан дарвозага йўллади, тўп дарвоза устунига тегиб қайтди.

83. Курт Зуманинг дарвоза томон бош билан берган зарбасини де Хеа қайтарди!!! Супер сейв!

82. Майкл Антонионинг узоқ масофадан йўллаган кучли зарбасини де Хеа қайтариб юборди.

78. "Вест Хэм" жарима зарбасини амалга оширди. Ҳаволатиб узатилган тўпга боши билан Магуайр зарба бериб, хавфни бартараф этди.

71. Ўйин темпи юқори эмас. Ҳар икки жамоа ҳам вақти-вақти билан ҳужумлар ташкил қилиб турибди.

61. Роналдунинг дарвоза томон йўллаган зарбаси рекошет бўлиб майдонни тарк этди.

51. Решфорднинг дарвоза томон йўллаган кучли зарбаси ноаниқ бўлди.

50. Скамакка ўзига узатиб берилган тўпни дарвоза йўллади, Мартинес танаси билан қайтариб қолди, ҳаводаги тўпга Жанлука оёғи билан интилди, бироқ унинг бутсаси Лисандронинг бошига тегиб кетди.

46. Иккинчи бўлимга старт берилди.

45+1. Ўйиннинг дастлабки қисми якунланди.

45. Биринчи бўлимга 1 дақиқа қўшиб берилди.

45. Брунунинг ҳаволати узатиб берган тўпига Роналду бош билан зарба бера олмади.

40. "Вест Хэм" гол ўтказиб юборгач қатор ҳужумларни амалга оширмоқда.

Эриксеннинг ўнг қанотдан узатган тўпини Маркус Решфорд боши билан дарвозага йўллаб, гол урди!

38. ГООООООООООООООООООООООООООООООООООООООООООООЛ! Решфорд ҳисобни очди!

27. Керернинг дарвоза томон йўллаган зарбасини де Хеа танаси билан қайтариб юборди. Бироқ ушбу ҳолатда Тило оффсайдда қолгани маълум бўлди.

26. Бенраҳмага узатилган тўпга биринчи бўлиб де Хеа етиб келиб тепиб юборди. Испаниялик посбон ушбу вазиятдада хатога йўл қўйганида воқеалар ривожи бошқача тус олиши мумкин эди.

16. Ўнг қанотдан ҳаволатиб узатилган тўпни Решфорд боши билан дарвозага йўллади, Фабианьский тўпни ушлаб олди.

15. Доусон тўпни узатишди хато қилди, уни Решфорд олиб қўйиб олдинга юриш қилиб зарба берди, тўп рекошет бўлиб майдонни тарк этди.

15. Каземиро майдон марказида рақибидан тўпни олиб қўйиб уни Роналдуга узатди, Кришнинг дарвоза томон йўллаган зарбасини эса дарвозабон ушлаб олди.

4. Ҳужум уюштириш навбати мезбонларда. Далотнинг ўнг қанотдан ерлатиб узатган тўпини Решфорд дарвозага йўналтирди, бироқ ушбу ҳолатда "тўп Маркуснинг оёғига тушмади".

2. Илк дақиқаларда меҳмонлар анча фаол. Жамоанинг дастлабки ҳужуми зарбасиз якунланди.

1. Учрашув бошланди!

- Учрашув Тошкент вақти билан 21:15 да бошланади.

АПЛ. "Манчестер Юнайтед" ўз майдонида "Вест Хэм"ни кичик ҳисобда мағлуб этди