Шубҳасиз, турнинг марказий учрашуви “Тоттенхем” ҳамда “Ливерпуль” ўртасида кечади. Шунингдек, олдинда бизни бир нечта қизиқарли ўйинлар кутмоқда.

11.01 17:30 (Тошкент вақти) "Кристал Пэлас" - "Арсенал"
Шанба куннинг дастлабки тўқнашувида Рой Хожсон қийинчиликка дуч келиши аниқ. Нега деганда у "Селхерст Парк"даги ўйин олдидан нақд 12та йўқотишга эга. Кимсан "Арсенал"га қарши Лука Миливоевич(қизил карточка олган), Мамаду Сако, Жоэл Уорд, Жеффри Шлупп, Скотт Данн ва Андрoс Таунсенд каби етакчиларсиз ўйнаш осон эмас, албатта.

Бундан ташқари, Хожсон Кристиан Бентекенинг хизматидан фойдаланишдан ҳам умидвор. Микель Артета бошчилигидаги "Арсенал"да вазият бироз юмшоқроқ. Фақатгина Киран Тирни ва Калум Чемберс "бедарак йўқолган". "Тўпчилар" мураббийи Эктор Бельерин бўйича таваккалга қўл уриши мумкин ва қанот ҳимоячисини майдонга тушириш эҳтимоли мавжуд. Янги йилнинг биринчи ўйинида - "Манчестер Юнайтед"га қарши учрашувда ғолиб бўлган 11талик таркиб бу ўйинда яна майдонда кўриниш бериши мумкин.

Ўйинга оид фактлар:
- "Кристал Пэлас" барча мусобақаларда "Арсенал"га қарши охирги 6 ўйинда ўртача 2,5та гол урилган.
- "Кристал Пэлас"нинг Премьер-лигадаги сўнгги 8 ўйинидан 7тасида 2,5тагача гол киритилган.
- "Кристал Пэлас" сўнгги 6 ўйиндан 5тасида "Арсенал" дарвозасига 2тадан кам тўп киритмаган.

Тахминий таркиблар
"Кристал Пэлас" (4-3-3): Гуайта, Келли, Томкинс, Кэхилл, Вудс, Макартур, Куяте, Маккарти, Айю, Заха, Бентеке
"Арсенал" (4-2-3-1): Лено, Найлз, Сократис, Луиз, Колашинац, Жака, Торрейра, Пепе, Озиль, Обамеянг, Ляказетт
Жамоаларнинг жароҳатланган футболчилари: Сако, Уорд, Шлупп, Данн, Таунсенд ("Кристал Пэлас"), Чемберс, Тирни ("Арсенал")
Сўроқ остида: Ридевалд, Майер, Камараса, Ван Анхолт, Заха, Бентеке ("Кристал Пэлас"), Бельерин ("Арсенал")

11.01 20:00 "Челси" - "Бёрнли"
Шон Дайч шогирдлари "Стэмфорд Бриж"да меҳмон бўлишади. Каллум Хадсон-Одои Англия кубогидаги ўйинда ўзини яхши тарафлама кўрсатгани туфайли "Бёрнли"га қарши ўйинда асосий таркибда ўйинга тушиши мумкин. Маркос Алонсо ва Оливье Жирунинг айни дамдаги ҳолати номаълумлигича қолмоқда. Матео Ковачич ҳам 11таликдан жой олиши кутилмоқда. Меҳмонлар ҳужумчиси Эшли Барнснинг майдонга тушиши сўроқ остида. Крис Вуд билан ҳам худди шундай ҳолат, у ўтган ўйинда жароҳат олган. Йоханн Гудмундссон ўтган дам олиш кунларида олган жароҳати боис яшил майдонда кўриниш бермайди.

Ўйинга оид фактлар:
- Барча мусобақалар доирасида жамоалар ўртасидаги сўнгги 5 ўйинда ўйинда ўртача 2,5та гол урилган.
- "Челси" барча турнирлардаги охирги 5 учрашувда "Бёрнли"га камида 2та киритган.
- "Бёрнли" сўнгги 3 учрашувда ютқазган (Премьер-лига).
- "Челси" барча мусобақаларда "Бёрнли"га сўнгги 12 учрашувдан 11тасида мағлуб бўлмаган.

Тахминий таркиблар
"Челси" (4-3-3): Аррисабалага, Жеймс, Рюдигер, Томори, Аспиликуэта, Канте, Жоржиньо, Ковачич, Виллиан, Абрахам, Хадсон-Одои
"Бёрнли" (4-4-2): Поуп, Бардсли, Тарковски, Ми, Тейлор, Хендрик, Уэствуд, Корк, Макнил, Родригес, Барнс
Жамоаларнинг жароҳатланган футболчилари: Ван Гинкел, Лофтус-Чик (“Челси”)
Сўроқ остида: Алонсо, Пулишич (“Челси”), Гибсон, Гудмундссон, Леннон, Барнс, Вуд, (“Бёрнли”)

11.01 20:00 "Манчестер Юнайтед" - "Норвич"
“Манкунианлар” ўз майдонларида “канарейкалар”ни қабул қиладилар. Рохо, Байи, Магуайрнинг жарохат олганликлари МЮни қийин аҳволга солиб қўйди. Энди Линделёф ва Жонс жуфтлиги ҳимоя марказига жавобгар. Жесси Лингард охирги пайтларда яхши ўйин кўрсата олмаяпти. Шуни инобатга олган ҳолда у энди асосий таркибда кўринмаслиги мумкин.
Теэму Пукки жароҳати боис Англия кубогида майдонга тушмади. Бу ўйинда майдонга тушиш ёки тушмаслиги номаълум. Бироқ, агар у иштирок этмаса, "Норвич"нинг энг катта муаммоси шу бўлади.

Ўйинга оид фактлар:
- "Норвич"нинг охирги 9 сафар ўйинидан 8тасида 2,5тагача гол киритилган (Премьер-лига).
- "Манчестер Юнайтед" барса мусобақаларда "Норвич"га қарши сўнгги 7 учрашувдан 6тасида ютган.
- "Манчестер Юнайтед" 8та ўйиндан буён ўз уйида ютқазмаган (Премьер-лига).
- "Норвич" сўнгги 8 ўйинда ғалаба қозонмаган (Премьер-лига).

Тахминий таркиблар
"Манчестер Юнайтед" (4-2-3-1): Де Хеа, Уан-Биссака, Линделёф, Жонс, Шоу, Матич, Фред, Гринвуд, Мата, Рэшфорд, Марсьяль
"Норвич" (4-2-3-1): Крул, Эронз, Циммерман, Хэнли, Байрам, Тетти, Вранчич, Буэндиа, Маклейн, Кантуэлл, Пукки
Жамоаларнинг жароҳатланган футболчилари: Фосу-Менса, Рохо, Байи, Магуайр, Дало, Мактоминей, Погба (“Манчестер Юнайтед”), Клозе, Годфри, Дрмич (“Норвич”)
Сўроқ остида: Жонс (“Манчестер Юнайтед”), Ферманн, Пукки (“Норвич”)

11.01 22:30 "Тоттенхем" - "Ливерпуль"
Турнинг даҳшатли тўқнашуви "Тоттенхем" ва "Ливерпуль" ўртасида кечади. Унда Моуринью қўл остидаги футболчилар Клопп ўйинчиларига рўбарў келади.
"Шпорлар" сафида Мусса Сиссоко ўйинни ўтказиб юборади. У яқинда тиззасидаги жароҳатини операция қилдирди. Бу билан у Харри Кейн, Бен Дэвис, Танги Ндомбелe ва Уго Льорис сафига қўшилди. Агар Жозе Моуринью 4-2-3-1 тактик тизимига ўтадиган бўлса, Ян Вертонген чап қанотда ўйнашига тўғри келади. Бундан ташқари, Дэнни Роуз ҳам лига етакчисига қарши тўп тепишни хоҳлайди. "Қизиллар"дан Натаниэль Клайн, Фабиньо, Жеймс Милнер ва Наби Кейта - "Тоттенхем"га қарши ўйнашмайди. Жоэль Матип, Деян Ловрен ва Жердан Шакири секин-аста машғулотларга қайтмоқда. Клоппда Адам Лаллана варианти бўлса-да, Алекс Окслейд-Чемберлендан хизматидан фойдаланиши мумкин.

Ўйинга оид фактлар:
- "Ливерпуль" Премьер-лигада охирги 39та ўйинда ютқазмаган.
- "Ливерпуль" сўнгги 5 ўйинда гол ўтказиб юбормаган (Премьер-лига).
- "Ливерпуль" меҳмондаги сўнгги 13 учрашувдан 11тасида рақиб дарвозасига камида 2та тўп киритган (Премьер-лига)
- "Қизиллар" барча турнирларда "Тоттенхам"га қарши ўтган сўнгги 4 ўйинда ҳалаба қозонган.

Тахминий таркиблар
"Тоттенхем" (4-2-3-1): Гассанига, Орье, Алдервейрелд, Санчес, Вертонген, Дайер, Уинкс, Ламела, Алли, Моура, Сон
"Ливерпуль" (4-3-3): Алисон, Арнолд, Гомез, Ван Дейк, Робертсон, Чемберлен, Хендерсон, Вейналдум, Салах, Мане, Фирмино
Жамоаларнинг жароҳатланган футболчилари: Льорис, Дэвис, Сиссоко, Кейн (“Тоттенхем”), Ловрен, Клайн, Фабиньо, Кейта, Милнер (“Ливерпуль”)
Сўроқ остида: Роуз, Уинкс (“Тоттенхем”), Матип, Шакири (“Ливерпуль”)

12.01 21:30 "Астон Вилла" - "Манчестер Сити"
Дин Смит шогирдлари "Вилла Парк"да Гвардиола бошчилигидаги жамоани қабул қилади. Мезбонлар ҳимоявий ўйин кўрсатиши кутилмоқда. Жонатан Коджиа бетоб бўлганлиги туфайли "Лестер"га қарши ўйнамаганди. Кейнан Дэвис ҳали сафга қайтмаган, олдинги чизиқ яна Анвар Эль-Газига топширилади. “Шаҳарликлар”дан Лерой Сане ва Эмерик Ляпорт жароҳатдан энди тикланаётганликлари туфайли асосийдан четда қолишса керак. Пеп Гвардиола дарвозага Клаудио Браво ўрнига Эдерсонни туширади, Рахим Стерлингга эса катта еҳтимол билан дам берилади. Мураббий бошқа ўзгаришларга қўл урмайди.

Ўйинга оид фактлар:
- "Манчестер Сити" барча мусобақаларда "Астон Вилла"га қарши охирги 7 ўйиндан 6тасида "қуруқ ўйин" ўтказган.
- "Манчестер Сити" Премьер-лигада меҳмондаги сўнгги 11 учрашувдан 10 тасида минимум 2та гол урган.
- "Шаҳарликлар" барча мусобақалар доирасидаги сўнгги 7 ўйиндан 6тасида "Астон Вилла"ни енгган.

Тахминий таркиблар
"Астон Вилла" (5-4-1): Нюланн, Гильбер, Конса, Мингс, Хоз, Тейлор, Трезеге, Накамба, Луис, Грилиш, Эль-Гази
"Манчестер Сити" (4-3-3): Эдерсон, Уокер, Отаменди, Фернандиньо, Менди, Родри, Де Брёйне, Гюндоган, Махрез, Силва, Агуэро
Жамоаларнинг жароҳатланган футболчилари: Хитон, Таргетт, Макгинн, Стир, Дэвис, Весли (“Астон Вилла”)
Сўроқ остида: Коджиа (“Астон Вилла”), Ляпорт, Сане (“Манчестер Сити”)

Шунингдек, ушбу турда қуйидаги ўйинлар ўтказилади:
11.01 01:00 "Шеффилд"- "Вест Хэм"
11.01 20:00 "Вулверхэмптон" - "Ньюкасл"
11.01 20:00 "Эвертон" - "Брайтон"
11.01 20:00 "Лестер" - "Саутгемптон"
12.01 19:00 "Борнмут" - "Уотфорд"

Шерзод Нурматов тайёрлади.

АПЛ. “Тоттенхем” – “Ливерпуль” ва 22-турнинг бошқа ўйинлари учун превью