Футболчи декабрь ойида автоҳалокатда сонини тўрт жойидан синдириб олганди.
34 ёшли Антонио ўзининг "Феррари"сини дарахтга уриб олгач, ўнг оёғини тикиш учун жарроҳлик амалиётига муҳтож бўлди.
"Мен ҳар доим спорт автомобиллари ва эски классикаларнинг мухлиси ва дўсти бўлганман, лекин сизга ёлғон гапирмайман: спорт автомобиллари ортиқ менинг дўстларим эмас.
Шундай қилиб, ҳозирда менда Mercedes-Benz бор, акам эса ҳайдовчи. Ҳеч бўлмаганда ҳозирча спорт автомобилларидан узоқроқ юраман," - деди Антонио.
Антонио "Вест Хэм" сафида 323 та ўйинда 83 та гол урган. Унинг амалдаги шартномаси муддати мавсум охирида тугайди.
Изоҳлар