Унаи Эмери қўл остида "Астон Вилла" ўтган ойда 4 ғалаба ("Манчестер Сити" ва "Арсенал" мағлуб қилинди,) 2 дуранг ҳамда 1 мағлубият қайд этди. Ой якунларига кўра жамоа АПЛ турнир жадвалида 2-ўринда бўлди.

Бундай эътироф Эмери фаолиятида иккинчи марта бўлди. Бунга қадар у 2023 йил апрелида ҳам шундай совринга эга чиққанди.

Соврин учун Юрген Клопп, Андони Ираола ва Дэвид Мойес номзодлари ҳам илгари сурилганди.

Борнмут ҳужумчиси Доминик Соланке эса фаолиятида илк марта ойнинг энг яхшисига айланди. У бу эътироф учун курашда Трент Александер-Арнолд, Матеус Кунья, Муҳаммад Кудус, Майкл Олисе, Коул Палмер, Маркос Сенеси ва Сон Хен Мин каби футболчилардан олдинда бўлди.

Ўтган ойда Доминик АПЛнинг 6 ўйинида 6та гол урди. Жамоаси эса 4 ғалаба ва 1тадан дуранг, мағлубият қайд этди.

АПЛда ойнинг энг яхшилари аниқланди