Ана шу учрашувни Ўзбекистонда туғилган нигериялик футболчи Питер Одемвингие бевосита "Миллий" стадионда кузатиб борди. Унинг ёнидаги ҳамроҳлари кимлар ва Одемвингие нима мақсадда пойтахтимизга келгани ҳозирча бизга қоронғу.

Питер Одемвингие суратда чапдан иккинчи.

Питер Одемвингие 1981 йилнинг 15 июлида Тошкентда истиқомат қилган нигериялик муҳожирлар оиласида дунёга келган. Футболдаги илк сабоқларини у юртимизда олган. Кейинчалик Россиянинг КАМАЗ ва ЦСКА ёшлар жамоаларида ўйнаган. Питер Франциянинг "Лилль", Россиянинг "Локомотив" ва Англиянинг "Вест Бромвич" клубларидаги фаолиятини билан машхур бўлган. Нигериялик футболчининг охирги жамоаси Индонезиянинг "Мадура Юнайтед" клуби бўлган. Одемвингие 2017 йил "Мадура"да 23та ўйин ўтказган ва 15та гол урган.

Питер Одемвингие
Туғилган санаси: 15.07.1981
Туғилган жойи: Тошкент
Амплуаси: ҳужумчи
Жамоалари: 2000–2002 “Бендел” 53 (19)
2002–2004 “Лувр” 44 (9)
2004–2007 “Лилль” 75 (23)
2007–2010 “Локомотив” 75 (21)
2010–2013 “Вест Бромвич” 87 (30)
2013–2014 “Кардифф Сити” 15 (1)
2014–2016 “Сток Сити” 27 (5)
2016 “Бристол Сити” 7 (2)
2016–2017 “Ротерхэм Юнайтед” 1 (0)
2017 “Мадура Юнайтед” 23 (15)

Нигерия терма жамоасида 65 ўйинда 11 тўп киритган.

АПЛдаги ўйинлари билан танилган Питер Одемвингие Тошкентда + ФОТО