Sky Sports маълумотларига кўра, АПЛнинг кейинги мавсуми аввалгисидан кўра бир ҳафта кечроқ, яъни 12 август куни старт олади. АПЛ тақвими коронавирусга қарши чоралар ва Қатардаги Жаҳон чемпионатидан кейин ўзининг аввалги ҳолатига қайтади. Мавсумни эса 2024 йилнинг 19 май куни якунлаш режалаштирилмоқда.

Бундан ташқари, 2024 йилнинг 13-20 январь кунлари АПЛ тақвимида дам олиш кунлари бўлиши режалаштирилмоқда. Қишқи байрам кунларида эса турлар оралиғи 48 соатдан кам бўлмайди.

Маълумот учун, ёзги транфер ойнаси 14 июнь куни очилади ва 1 сентябрь куни ёпилади. Қишки трансфер ойнаси эса 2024 йилнинг 1 январь санасидан 1 февралгача давом этади.

АПЛнинг 2023-2024 йилги мавсуми 12 августдан старт олади ва 19 май куни якунланади