Ҳозирга келиб "Манчестер Сити" вазиятни ўз томонига оғдириб олгандек, аммо мавсумнинг катта қисмида етакчи бўлган лондонликлар осонликча таслим бўлиш ниятида эмас.

Бу нарсани "Арсенал" устози Микель Артета ҳам таъкидлади: "Биз курашишда давом этамиз. Вазият қийин, аммо қолган ҳамма ўйинларимизда зафар қучиб, "Сити"нинг қоқилишини кутамиз".

Якунда натижа қандай бўлсада, "тўпчилар" чиндан яхши мавсум ўтказишмоқда. Ва жамоа сафида ҳали ҳам ёш бўлишига қарамай, етакчилардан бирига айланиб улгурган Букайо Сакани алоҳида таъкидлаш лозим. Англия терма жамоаси аъзоси фаолиятидаги қийин даврни енгиб ўтди ва чинакамига кучлироқ бўлиб қайтди.

Англиялик яна бир вундеркинд Фил Фоден жароҳатларга қарамай, сафда бўлганида жуда фойдали ҳаракат қилмоқда.

Бу ҳолатдан албатта биринчи навбатда Англия терма жамоаси мухлислари хурсанд бўлишади. Иқтидорли футболчилар чинакамига топ ўйинчига айланаётгани қувонарли ҳол албатта.

Хўш, "Арсенал" ғалабаларига салмоқли ҳисса қўшаётган Букайо Сака ва Пеп Гвардиоланинг севимли шогиридларидан бири Фил Фоденнинг мавсумда статистикаси қандай?

Кўриб турганингиздек, кичик устуник Сака томонида. Бироқ бу вазиятда Фоден 4 та камроқ ўйинда иштирок этганини ҳам унутмаслик лозим.

АПЛнинг икки вундеркиндини солиштирамиз