"Menimcha, jamoada chempion bo'lish uchun barcha jihatlar etarli. Futbolchilar oxirigacha kurashishga qodir. Guvohi bo'lsangiz, jamoa o'yin davomida juda ko'p vaziyat yaratadi. Aslini olganda, men ularning zaif tomonlarini ko'rmayapman", - dedi Venger.
Fransiyalik mutaxassis klubni tark etganidan keyin ilk marta "Arsenal" o'yiniga tashrif buyurdi. 17-tur doirasidagi bahsda "kanonirlar" "Vest Xem"ni 3:1 hisobida mag'lub etishdi.
"Arsenal" ayni damda eng yaqin taqibchisi "Manchester Siti"dan 7 ochko oldinda borgan holda turnir jadvalida peshqadamlik qilmoqda.
