«Мен «Реал Мадрид», «Ювентус»,«ПСЖ» каби клубларга ва бир қатор кучли терма жамоаларнинг таклифларига йўқ деганман. Мен ўзим учун тўғри деб билган қарорларни қабул қилганман. «Арсенал»да ишлаб юрган кезларим одамлар олдимга келиб раҳмат айтиб кетишар эди. Чунки улар клуб жуда қадрли эканлигини тушунишарди.

Мен эса клубим жаҳон даражасидаги эканлигини ҳис қилардим. Мен «Арсенал»да катта мерос қолдиришим мумкинлигини билардим. Мен машғулотлар базаси, катта академия, стадион қурилишини учун қаттиқ курашганман ва бунга эришганман. Чунки мендан кейинги мураббий учун барча шароит бўлишини истаганман»,-деб фикр билдирган Венгер.

Эслатиб ўтамиз, Венгер 1996-2018 йиллар оралиғида «Арсенал» бош мураббийи бўлган.

Арсен Венгер: «Мен «Реал Мадрид», «Ювентус»,«ПСЖ» каби жамоаларга йўқ деганман»