"Арсенал" Колнидаги қароргоҳида "Брентфорд" билан ўртоқлик ўйини ўтказди ва йирик ғалабага эришди (4:0).

Учрашувда терма жамоаларига йўл олмаган деярли барча футболчи қатнашди. Жароҳатдан қайтган Бен Уайт ҳамда Габриэл асосий таркибда майдонга тушди. Бразилиялик 46-дақиқада ҳисобни очди. 60-дақиқадаги иккинчи голга Александр Ляказетт муаллифлик қилган бўлса, чап қанот ҳимоячиси сифатида ҳаракатланган ҳимоячи Седрик Соареш 76 ва 89-дақиқада рақиб дарвозасига тўп киритиб, дублга эришди.

"Арсенал" таркиби: Рамсдейл, Чемберс, Уайт (Хатчинсон, 76), Мари, Габриэл (Холдинг, 69), Седрик, Мэйтленд-Найлз, Эль-Ненни (Патино, 33), Мартинелли, Ляказетт, Пепе.

Эслатиб ўтамиз, "Арсенал" мавсумнинг очилиш ўйинида сенсацион равишда "Брентфорд"га ютқазган эди (0:2).

"Арсенал" "Брентфорд"дан ўч олди