"Тўпчилар" бир неча ҳафталардан буён Донецкнинг "Шахтёр" клуби билан Мудрикни харид қилиш борасида музокаралар олиб бормоқда. Бироқ украиналиклар ўзлари талаб қилаётган 100 млн еврода оёқ туриб олган.

"Челси" "Эмирейтс" эгаларининг анча вақтдан буён нишони бўлиб келган 21 ёшли футболчини илиб кетмоқчи. Бу келишув амалга ошмайдиган тақдирда бельгиялик Эден Азар эҳтимолий вариант сифатида кўрилмоқда. "Челси" собиқ ўйинчиси 2019 йилда "Стэмфорд Бриж"ни "Бернабеу"га алмаштирганидан буён форма ва жисмоний тайёргарлик учун курашиб келди. Унинг Мадрид клуби билан битими сўнгги 18 ойликка кирди.

"Арсенал" аллақачон ушбу мавсум "қироллик клуби" либосида атиги 7 та ўйинда майдонга тушган 32 ёшли футболчи борасида испан клуби билан боғланган. Унинг MLS клубига ўтиши мумкинлиги ҳам айтилган эди. "Реал" Азарнинг ўрнини бўшатиш орқали йиллик 13 млн фунтлик харажатларини қисқартирмоқчи. Карло Анчелотти ярим ҳимоячининг хизматларидан мавсумнинг иккинчи қисмида фойдаланиш мумкин, деб ҳисоблайди.

"Арсенал" Эден Азар трансфери бўйича алоқага чиқди