Бразилиялик ёш футболчи Микель Артета бошчилигидаги жамоани тарк этиб, январь ойидаги трансферлар ойнасининг сўнгги икки кунида "Норвич" сафига бориб қўшилади. "Тўпчилар" раҳбарияти футболчини мавсумнинг қолган қисмини бошқа жамоада ўтказишини афзал кўрмоқда.

19 ёшли вингер ёки ҳужумчи 2023 йил ёзига қадар тузиладиган шартномага имзо чекишдан аввал тиббий кўрикдан ўтказилади. Бразилиялик ҳужумчи ҳозирда жамоада мунтазам ўйнамаяпти ва бу яқин ойларда ҳам ўзгармайди. 2022 йилнинг ноябрида жамоадоши Габриэл Мартинелли томонидан теледастурларнинг бирида "катта истеъдод эгаси" дея таърифланган футболчининг "Арсенал" захира ўриндиқларини иситиши ёки ёшлар жамоасида ўйнашидан ҳеч қандай наф йўқ. У "Норвич"га ўтиш орқали жуда рақобатли муҳитга тушади ва Премьер-лигага чиқишга интилаётган клубга ёрдам бериши тўғрироқ бўлади. Чемпионшипда ўйнаш характерни шакллантиради.

Маркиньос "Норвич"да ўйнаш орқали янада яхшироқ ўйинчига айланиши ва Англияда муваффақият қозониш учун нималар кераклигини тушуниб олиши мумкин бўлади.

"Арсенал" футболчиси Маркиньос "Норвич"га ижарага ўтади