"Calciomercato" хабарига кўра, "Арсенал" ярим ҳимоя чизиғини Исмаэль Беннасер билан тўлдирмоқчи.

Манбага кўра, "Милан" уни сотиш имкониятини кўриб чиқишга тайёр. Жазоирлик ярим ҳимоячи 2017 йилда "Арсенал"ни тарк этган ва шундан бери "Милан" асосий таркиби вакили бўлиб олди.

Гарчи яқинда Беннасерга бошқа клублар, жумладан, "Реал" ҳам қизиқиш билдирган бўлса-да, у Англия Премьер-лигасига қайтиши мумкин. Ўзининг ярим ҳимоясини кучайтиришни хоҳлаётган "Арсенал" Беннасерни жозибадор вариант деб билади, аммо унинг хизматлари учун 50 миллион евро тўлаб қўйиш керак бўлади.

Беннасернинг кўп жароҳат олиши "Арсенал"ни ташвишга солмоқда, аммо унинг А Сериядаги тажрибаси эътиборни кўпроқ тортгани учун лондонликлар таваккалга қўл уришлари мумкин.

"Арсенал" "Милан" юлдузини харид қилмоқчи