"Арсенал" мухлислари "Манчестер Сити"нинг "Тоттенхэм"га қарши ўйини олдидан меҳмонларнинг оромини бузишга ҳаракат қилишди.
"Арсенал" Англия Премьер-лигаси турнир жадвалида етакчилик қилмоқда. "Тўпчилар" асосий таъқибчи "Манчестер Сити"дан бир очко кўп жамғарган, аммо битта кўп ўйин ўтказган. Лондонликларнинг чемпионлик сари юришидаги асосий умиди ҳамшаҳарлардан бўлиб турибди.
Тарафдорлар турнинг марказий ўйини олдидан тунги соат 02:00 да "Манчестер Сити" меҳмонхонаси рўпарасида пиротехника воситаларини улоқтиришди, бироз уларнинг бу "ёрдам"и ўзлари ўйлагандек бўлиб чиқмади.
Гап шундаки, "шаҳарликлар" Манчестер шаҳридан пойтахтдаги брон қилинган меҳмонхонага етиб келишмаганди. Амалдаги чемпионлар бугун Лондонга ташриф буюришган.
Эслатиб ўтамиз, 34-турдан ўрин олган "Тоттенхэм" — "Манчестер Сити" учрашуви Тошкент вақти билан соат 00:00 да бошланади.
Изоҳлар