"Тўпчилар" ёзги трансферлар ойнаси пайтида бразилиялик вингерни харид қилишга ҳаракат қилган эди. Бироқ бу келишув амалга ошгани йўқ. Рафинья 55 млн евро эвазига "Барса" аъзосига айланган эди. У орзусидаги жамоага ўтиш учун "Арсенал", "Манчестер Юнайтед" ва "Челси"дан бўлаётган таклифларни рад этган эди.

Жамоа устози Микель Артета ҳужум чизиғини 26 ёшли футболчи билан кучайтиришни истайди. Клуб спорт директори Эду яқинда бразилиялик футболчининг агенти "Барса" ва "Челси"нинг собиқ ярим ҳимоячиси Деку билан музокаралар олиб борди. Аввал ҳам ушбу масалани муҳокама қилишганида Деко Рафинья "Барселона"га ўтишни орзу қилишини ва клуб билан анча вақтдан буён алоқада эканини билдирган эди.

Рафинья жорий мавсумда "кўк-анорранглилар" сафида Ла Лигада 15 та ва Чемпионлар Лигасида 5 та ўйинда майдонга тушди. Унинг ҳисобида айни пайтда 2 та гол ва 4 та асcист мавжуд.

"Арсенал" Рафинья учун иккинчи марта уриниб кўради