Клуб норвегиялик ярим ҳимоячининг жароҳати ҳақида тўхталди. Эдегор чап тиззасининг медиал коллатерал бойлами жароҳати туфайли Исроил ва Янги Зеландияга қарши бўлажак ўйинларда Норвегия терма жамоаси сафида майдонга тушолмайди.

Қайд этилишича, Мартин ФИФА кунлари вақтида "Арсенал" тиббиёт марказида даволанишни давом эттиради.

Эдегор ушбу мавсум елкасидаги муаммо туфайли АПЛ доирасидаги "Манчестер Сити" (1:1), ЕЧЛ доирасидаги "Атлетик Бильбао" (1:0) билан ўйинларни ўтказиб юборди ва "Ньюкасл" (2:1) билан баҳсда захирадан майдонга тушди.

26 ёшли ярим ҳимоячи жорий мавсум "канонирлар" таркибида 7 ўйинда майдонга тушиб, 2 та голли узатмани амалга оширди.

"Арсенал" сардорининг жароҳати ҳақида маълумот берди