- Сиз учун "Арсенал"нинг чемпионлик учун курашишининг ўзи совға бўлдими ёки ростдан ҳам совринни истаганмидингиз?
- Чемпионликни истагандик. "Арсенал"да доимо талаблар юқори. Ҳалигача 10 ой пешқадамлик қилиб, чемпионликни "Манчестер Сити"га бой берганимиз алам қилмоқда. Бироқ бу спорт. Аммо ушбу мавсум лигадаги энг ёш жамоа бўлганимизни инобатга олсак, бу табиий ҳол бўлиши мумкин.
- Соврин учун нималар етишмади?
- Кўп нарсалар. Кетма-кет уч дуранг биз учун оғир жазо бўлди, кейинги муваффақиятсизликлар эса буларни бирлаштириб турди. Сўнгги 3-4 ой давомида кўплаб жароҳатларга йўлиқдик. Буларнинг бари ишни қийинлаштириб юборди. "Арсенал"да тўлиқ таркиб бўлиб турганида биз барқарор бўлиб тургандик. Аммо муаммолар бизга тўсиқ бўлиб турди.
Рақибларда эса дунёнинг энг яхши таркиби, энг яхши жамоаси ва энг яхши мураббийи бор. Бизда танлов имконияти қолмагани боис, қўлни кўтариб таслим бўлдик, - деди "Арсенал" устози.

Артета: "10 ойлик пешқадамликдан сўнг чемпион бўлолмаслик ҳалигача алам қилмоқда"