Ярим ҳимоячи трансфер ойнасининг сўнгги кунида сотиб олиш ҳуқуқи билан ижара асосида Юрген Клопп жамоасига қўшилди.

"Мен бу ерда бўлганимдан ва шундай эмблемага эга буюк либосни кийганимдан жуда хурсандман. Бу орзу эди", – дея гап бошлади бразилиялик хавбек.

- Келажагингиз ҳақида кўп гапирилди. Нега "Ливерпул"га ўтдингиз?

- Кўп гаплашдик, фикр ва қарашларимиз бир-бирига тўғри келди. Шунинг учун тўғри танлов бўлганига ишончим комил.

Жуда хурсандман ва ғайратлиман. Майдонда орзуларимни рўёбга чиқаришда давом этмоқчиман. "Ливерпуль" учун боримни бериб ўйнайман.

- Илгари катта клубларда ўйнагансиз, энди яна топ-клубга ўтяпсиз. Ҳозир сизни кўпроқ нима илҳомлантиради?

- "Ливерпул"нинг ажойиб тарихи бор. "Ливерпул"га қарши ўйнаганман. Мен бу майдонда тўп тепиш нима эканлигини яхши биламан. Ўшанда мен "Ливерпул"га қарши жамоа таркибида эдим, аммо ҳозир мен тўғри томондаман, шунинг учун жуда ҳаяжонланяпман.

Ажойиб мураббий ва футболчиларга эга топ-клубдаман. Юқорида айтганимдек, бу ерда бўлиш – орзу.

- Ҳар доим Премьер-лига сизга мос келади, деб ўйлаганмисиз?

- Ҳамиша ўзимни Англия клубида синаб кўришни хоҳлаганман. Менимча, АПЛ – дунёнинг энг яхши лигаси. Мен доим шу ерда ўйнашни хоҳлаганман.

Артур: "Майдонда орзуларимни рўёбга чиқаришда давом этмоқчиман"