Бугунги учрашув доигидек шиддатли ва кескин курашларга бой тарзда ўтди. Ўзи умуман Олтириқда кечадиган учрашувлар мана шундай қизиқарли бўлаяпти, биласизлар жамоамиз мухлислари жуда талабчан, лекин уларнинг ҳар доим қўллаб-қувватлаб туришлари бизни хурсанд қилади албатта.

Учрашувнинг биринчи бўлимида жаримадан ўтказиб юборилган тезкор гол бизга руҳан ўз таъсирини кўрсатди. Шу сабабми, ёки жисмоний тайёргарлигимиз етарли бўлмади шекилли, биринчи бўлимда кетма-кет голлар ўтказиб юбордик. Иккинчи бўлимда ўйинимиз жонланди, астойдил ҳаракат қилдик, афсуски барибир мағлубиятга учрадик. Футболда ғалаба ва мағлубият ёнма-ён юради, нима бўлганда ҳам мухлислармизга, жамоамиз мураббийлари ва раҳбарларига миннатдорчилик билдираман. Энди ўз устимизда янада кўпроқ ишлаймиз, ҳаракат қиламиз, келаси учрашувларда ғалаба қозониб, мухлислармизни хурсанд қиламиз деган умиддаман.

Келажакда футбол борасида билимларим ва жисмоний тайёргарлигимни янада ошириб, Суперлига клубларида ўйнамоқчиман. Ҳар бир футболчи истаганидек мен ҳам мамлакатимиз миллий терма жамоасида тўп суриш орзуим бор.

Бекзод Толибов ёзиб олди.

Асадбек Маъмуров: "Суперлига клубларида ўйнамоқчиман"