Танлов сайтимизда соат 16:00да онлайн тарзда ўтказилди.

--------------------------------------------------------------------------------------

Турнир ахборот ҳамкори сифатида www.championat.asia сайти ўз мухлисларига иккита чипта совға қилади. Ушбу чипталар эгаси танлов йўли билан аниқлаб олинади. Танловимиз соат 16:00да бошланади.

Танловда 10 та савол берилади. Саволга биринчи бўлиб тўғри жавоб берган мухлис 1 очкога эга бўлади. 10 та савол якунларига кўра энг кўп очко тўплаган фойдаланувчимизга "ASIAN FIGHT-2017" турнири учун иккита чипта совға қилинади.

Бугунги танловимиз www.olamsport.com сайтида Германияда бўлиб ўтадиган жаҳон чемпионатига бағишлаб тайёрланган мақолалар асосида бўлади. Барчага омад тилаймиз.

1-савол: Бокс бўйича Германияда бўлиб ўтадиган жаҳон чемпионатида -64 кг вазн тоифасида иштирок этадиган боксчимиз 2015 йилда Ўзбекистон чемпионати ярим финалида бугунги кунда профессионал боксда муваффақиятли иштирок этаётган бошқа бир боксчимизни мағлуб этган экан. Бизга ўша профессионал боксчимизнинг исм-шарифини ёзиб беринг.

Жавоб: Қудратилло Абдуқаҳҳоров (Bek_Uzbekistan тўғри жавобни топди)

2-савол: 2015 йилда Доҳада бўлиб ўтган жаҳон чемпионатида қайси боксчиларимиз финалга етиб борганлар?

Жавоб: Муроджон Аҳмадалиев, Фазлиддин Ғоибназаров, Бектемир Мелиқўзиев (Bek_Uzbekistan)

3-савол: Бокс бўйича 2019 йилги жаҳон чемпионати қайси шаҳарда бўлиб ўтади?

Жавоб: Сочи (Jakhongir)

4-савол: Гамбургда бўлиб ўтадиган жаҳон чемпионатида қайси мамлакат вакиллари тўлиқ таркиб билан иштирок этмоқдалар?

Жавоб: Германия, Қозоғистон, Ўзбекистон (Whosanoff)

5-савол: Германияда бўлиб ўтадиган жаҳон чемпионатида уч нафар боксчимиз ўз вазн тоифасида биринчи рақам остида сараланган. Бизга ўша уч нафар боксчимизнинг исмини ёзиб беринг.

Жавоб: Муроджон Аҳмадалиев, Шаҳрам Ғиёсов, Баҳодир Жалолов (тўғри жавоб йўқ)

6-савол: У боксчимиз жаҳон чемпионатида илк маротаба иштирок этмоқда. Лекин, бир йил олдин у Олимпиада ва жаҳон чемпионини мағлубиятга учратган. Бизга ўша боксчимизнинг севимли футболчисини исмини ёзиб беринг.

Жавоб: Криштиану Роналду (Whosanoff)

7-савол: Мустақил Ўзбекистон боксчилари илк маротаба қайси мамлакатда бўлиб ўтган жаҳон чемпионатида иштирок этганлар?

Жавоб: Финляндия (Jakhongir)

8-савол: 2015 йилда жаҳон чемпионатида бронза медалини қўлга киритган уч нафар боксчимиз исм-шарифини ёзиб беринг.

Жавоб: Элнур Абдураимов, Элшод Расулов, Баҳодир Жалолов (Bek_Uzbekistan, Хусанилдо (бир вақтда жавоб топилди)

9-савол: Санжар Турсунов Тошкентда бўлиб ўтган Осиё чемпионати чорак финалида қайси боксчига имкониятни бой бериб қўйганди?

Жавоб: Василий Левит (Bek_Uzbekistan)

10-савол: Бокс бўйича жаҳон чемпионатларида қайси мамлакат боксчилари энг кўп медаль жамғара олганлар?

Жавоб: Куба (Whosanoff ва Jakhongir бир вақтда топди)

Бугунги танловимиз ўз якунига етди. Танлов якунларига кўра "Bek_Uzbekistan" никли мухлисимиз ғолибликни қўлга киритди. Ғолибимиздан Телеграм орқали @CA_Admin га мурожаат қилишларини илтимос қилиб қоламиз.

Якуний натижалар:

Bek_Uzbekistan - 3.5
Jakhongir - 2.5
Whosanoff - 2.5
Хусанилдо - 0.5

Изоҳ: Жавобни бир вақтда топган мухлисларимизга 0,5 очко берилди.

Ғолибни табриклаган ҳолда шуни маълум қиламизки, навбатдаги танловларимизда бунгача ғолибликни қўлга киритган фойдаланувчиларимиз иштирок эта олмайдилар.

"ASIAN FIGHT-2017" турнири учун иккита чипта ғолиби маълум бўлди