Ўйин ҳақида

- Бугунги ўйин қийин ўтиши аввалдан маълум эди. Биринчидан, Суперлига йўлланмаси учун кураш кетса, осон бўлмайди. Иккинчидан, ўйин дерби мақомида эди, бундай баҳсларда хатолар кечирилмайди.

Йигитларга раҳмат айтаман, улар охиригача кураш олиб боришди. Ўйин "Шўртан" жамоасининг узун узатмаларига қарши чора топа олдик. Қўлга киритилган ғалаба билан "Машъал" клубида меҳнат қилаётган барчани ва жамоа мухлисларини табриклайман.

- Сергей Петров нега захирада қолдирилди? Кейин биринчи бўлим ва иккинчи бўлим фарқли кечди. "Машъал" айнан иккинчи бўлимда фаолликни оширди, бунинг сабаби нимада?

- Петров жароҳатдан қайтгани сабаб жисмонан тўлиқ ўйинда қийналиши мумкин. Шу жиҳатни ҳисобга олиб, уни захирадан майдонга туширдик. Бугунги ўйинда ҳар икки жамоа ўртасида жиддий кураш кечди. Ғалаба учун гол уриш керак, ўйиндан келиб чиқиб ҳужумкорликни кучайтириб бордик.

- Қизил карточка VAR орқали кўриб чиқиб кўрсатилди. Бу ҳолатга муносабатингиз қанақа?

- Тўғри, ҳакам VAR орқали кадрни кўргач, сариқни қизилга алмаштирди. Демак, бунга етарлича асоси бор. Бу ҳолатга эътирозим йўқ.

- "Қўқон-1912" билан кечадиган навбатдаги ўйин ҳақида фикрингиз?

- "Қўқон-1912" кучли жамоа. Қарши ҳужумларда жуда яхши ҳаракат қилади. Биз бу ўйинда максимал натижа учун ўйнаймиз.

Асрор Алиқулов: "Бундай ўйинларда хатолар кечирилмайди"