"Аввало "Бухоро"ни Cуперлига йўлланмасини қўлга киритгани билан табриклайман. Биз бугунги ўйинга яхши тайёргарлик кўргандик. "Бухоро" жарима зарбалари ва стантдартлардан яхши ишлашини ўргангандик ва қаршилик кўрсатишга ҳаракат қилдик, ҳужумлар уюштирдик гол ўтказиб юборганимиздан сўнг ҳисобни тенглаштиришга ҳаракат қилдик. Афсуски "Бухоро" вақт чўзиш ва ётиб олишлар билан вақтни ўтказди. Уларга очко кўпроқ керак эди, агар бугун улар очко йўқотса аҳволи қийинлашарди, рақиб натижага эришди", - деди Асрор Алиқулов.

- Мураббий сифатида "Машаъл"ни иккинчи марта Суперлигага олиб чиқдингиз, бу билан табирклайман. Бугун футболчилар қандайдир "Бухоро" жамоасини руҳий томонлама ютгандек кўринди. Жамоаингиз Суперлига йўлланмасини қўлга киритиб бўлгани учун шундай кўриндими?
- Айтдимку, учрашувга яхши тайёргарлик кўргандик. Билмадим айрим футболчиларимиз "Бухоро"ни осон ютамиз деб хаёл қилишдими. Лекин биз оғир ўйин бўлишини билгандик. Дуранг ҳам мусобақа жадвалида биринчи ўринни нақд қилишимизга етарли эди, бугунги мағлубият "Бухоро"ни бизга анча яқинлаштирди.

- Бугун "Бухоро"нинг 5 нафар футболчиси сариқ карточка олди. Вақт чўзишлар кўпайиб кетди. Умуман олганда "Машъал" рақибнинг бунақа найрангларга тайёр эмас экан...
- Энди бу кўпроқ футболчилардан маҳорат талаб қилади. Захирадан ўйинчилар туширдик, кўриниб турибдики ҳали маҳорат кам. Бу албатта йиллар ва ўйинлар ва тажриба тўплаш натижасида келади. Про лига етакчилигини сақлаб қолишга охиригача ҳаракат қиламиз.

- Учрашувнинг 85-дақиқасида "Машъал" ҳужум қилаётган вазиятда тўп "Бухоро" ҳимоячисининг қўлига тўп тегди. Буни такрорий вазиятда яққол кўрдик. Мураббий сифатида фикриз қандай Про лигага ҳам ВАР керакми?
- ВАР бўлса ҳаққонийлик бўлади. Энди ҳар бир ўйинга ВАР билан таъминлаш қийин. Клуб ўз ёнидан харажат қилиб олиб келади. Агар бунақа ҳодиса бўлишини билганимзда раҳбарият олиб келган бўларди. Ҳакам ҳам у вазиятда узоқда эмас эди вазиятга жуда яқин эди, кўрмади дея олмайман, кўрмасликка олган бўлиши мумкин. У ҳолат қийин ҳолат эмас эди ҳакам учун жуда яқин эди тўп яққол қўлга текканлиги кўриниб турганди, шунинг учун мен бирор нарса дея олмайман!

- "Машъал" жамоаси Cуперлигага чиқди. Жамоа Суперлигага қандай тайёргарлик олиб боради? Янги футболчилар жалб қилинадими ёки бор ресурсдан фойдаланиладими?
- Янгиларни жалб қилиш қийин бўлади, уларда талаб ҳам юқори. Суперлига жамоаларида ҳам футболчилар танқислиги бор ва кўп клублар легионерлар хизматидан фойдаланишмоқда. Жамоа раҳбарияти бу борада иш олиб борябди ҳаммаси молиявий томонга ва футболчиларни кўндира оладиган маблағ бўлса, ўйлайманки ҳаммаси яхши бўлади. Трансферлар борасида ишлар олиб борилмоқда.

Асрор Алиқулов: "Ҳакам тўп қўлга теккан вазиятни кўрмасликка олди, шекилли"