"Майдонга ғалаба учун чиқамиз. Лекин бу осон эмас. Қолаверса, бугун ўзгача дерби эди. Футболчиларга бундай ўйинлар бошқача бўлиши, ҳар бир тўп учун курашиш кераклигини айтгандик. Рақиб таркибида маҳоратли футболчилар бор. Шу боис олдинроқда босим қилишимиз, имкон бермаслигимиз керак эди. Ўйлайманки, футболчиларим меҳнат қилиш эвазига ғалаба қозонди. Футболчиларимизга маҳорат етишмаслиги рост. Айниқса, охирги пасни беришда қийналишмоқда. Футбол кутиб турмайди.

Машъал"да ишлаганим кейинчалик фойда келтирди. Уларнинг имкониятини билганим учун осонроқ бўлди. Бу жамоа ҳар доим юрагимда. Зоировнинг вазияти голли эди. Бу пайт бутун ҳаёл гол уришда бўлиши керак эди. Биринчи даврада кўп жамоаларга очко улашдик, дея оламан. Индивидуал хатолар бунга сабаб бўлди. Жадвалдаги ўрнимиздан қониқмадик. Давралар оралиғида марказий ҳимоячи, таянч ва ҳужумга футболчи олишимиз лозим. Имкониятимиздан келиб чиқиб футболчи чақирамиз" - дейди ғузорликлар бош мураббийи.

Асрор Алиқулов: "Машъал" ҳар доим юрагимда"