Аргентиналик қишда "Ювентус", "Интер" ёки "Милан"га ўтмоқчи, Бергамо клуби эса уни 10 миллион евродан камига қўйиб юбормоқчи эмас.

Маълумки, Гомеснинг жамоа бош мурабийи Жан Пьеро Гасперини билан муносабатларига путур етган. Аммо, "Аталанта" ўз сардорини январда қўйиб юборишни хоҳламаяпти. Клуб менежерлари ўйинчининг агенти Беппе Рисо билан йил охирида кўришишга келишиб олишди.

32 ёшли Гомеснинг 2023 йилнинг июнига қадар шартномаси бор ва у ҳар мавсум 2,5 миллион евро миқдорида маош олади. Форвард жорий мавсум А Серия доирасидаги 10та ўйинда майдонга тушиб, 4та гол ва 2та ассист қайд этди.

"Аталанта" Гомесга нарх белгилади