Мадрид клуби франциялик футболчини харид қилиш мажбурияти билан бир мавсумга ижарага олди. Шунингдек, ижара яна бир мавсумга узайтирилиши мумкин.

Футболчи "матрасчилар" сафида 8-рақамда тўп суради.

"Атлетико" Гризманнинг ижараси учун 10 млн евро тўлайди, харид эса 40 млн еврога тушади.

"Барселона" 2019 йилнинг ёзида Гризманн учун "Атлетико"га 120 миллион евро тўлаган эди. Ҳужумчи Каталония клуби билан ўтган мавсум фақатгина Испания Кубогини ютди. Ҳужумчи "Барса" таркибида 102 та ўйинда майдонга тушиб, 35 та гол уришга эришди.

Форвард "Атлетико" таркибида 2014-2019 йилларда ўйнаган. У Мадрид клуби таркибида барча мусобақаларда 257 та ўйинда ҳаракат қилиб, ўз ҳисобига 133 та гол ёздириб қўйган.

"Атлетико" Гризманн тақдимотини ўтказди