Бу ҳабарни "Атлетико" матбуот хизмати ҳам тасдиқлади. Олдинроқ, клуб бош мураббийи Диего Симеоне ўйинда мухлислар бўлишини хоҳлашини, сабаби мухлислар бўлмаган тақдирда, бу рақиб жамоа учун адолатсизлик бўлишини таъкидлаган эди.

"УЕФА ва маҳаллий вакиллар ЧЛ 1/8 финал жавоб ўйини доирасидаги "Ливерпуль" - "Атлетико" ўйини иккала жамоа мухлислари учун ҳам очиқ бўлишини тасдиқлади.

Шу билан бир қаторда "Атлетико" коронавирус эпидемияси билан боғлиқ тавсияларни эслади. Шунингдек, Испания фуқароларига зарур бўлмаган пайтда мамлакатни тарк этиш тавсия қилинмайди.

"Клуб ҳукумат тавсияларини ўринли деб билади ва уларни амалга оширишни мақсадга мувофиқ деб ҳисоблайди. "Атлетико" ҳукумат тавсияларига биноан Ливерпулга бормасликка қарор қилган мухлисларнинг ушбу ўйин учун сотиб олган чипталарининг нархини қоплайди", - дейилади Мадрид клуби хабарида.

Эслатиб ўтамиз, "Ливерпуль" ва "Атлетико" жамоалари ўртасидаги ўйин бугун тунги соат 01:00да старт олади. Дастлабки ўйин "матрасчилар"нинг 1:0 ҳисобидаги ғалабаси билан якунланган эди.

"Атлетико" "Ливерпуль" билан ўйиндаги коронавирус билан боғлиқ вазият борасида расмий баёнот берди