Клуб матбуот хизматининг хабар беришича, аргентиналик мураббийнинг шартнмоаси 2022 йилга қадар узайтирилди.

Симоне 2011 йилдан буён “матрасчилар”ни бошқариб келмоқда. Ушбу вақт давомида клуб Испания чемпионати, мамлакат кубоги ва Суперкубоги, икки бор Европа лигаси ва Европа Суперкубогида ғолиб чиқди. Шунингдек, мадридликлар икки бор ЕЧЛ финалига қадар етиб боришди.

Айни пайтда “Атлетико” Ла Лига турнир жадвалида 23 учрашувдан сўнг 44 очко жамғариб, пешқадам “Барселона”дан ечтти очко ортда қолган ҳолда учинчи поғонада бормоқда.

“Атлетико” Симоне билан шартномани узайтирди