Мадридликлар расмий сайти жамоанинг собиқ аъзоси Мигель Жонс 82 ёшида вафот этганини эълон қилди.

Хабарларга кўра, Жонс оққон касаллиги бўлган. Бироз муддат аввал эса коронавирус юқтириб олган. Шундан сўнг унинг аҳволи оғирлашган.

Асли келиб чиқиши Экваториал Гвинеядан бўлган Жонс “Атлетико” билан бирга 1966 йилда Испания чемпиони бўлган. 3 бора мамлакат кубогини (1960, 1961, 1965) қўлга киритган. Шунингдек, 1962 йилда Кубок эгалари кубогига эга чиққан.

“Атлетико” собиқ ўйинчиси коронавирусдан вафот этди