ESPN хабарига кўра, “қизил иблислар” 24 ёшли футболчини ашаддий рақиблари “Манчестер Сити”дан олдинроқ ўз сафларига жалб этишмоқчи. Маникунианликлар устози Сульшер мадридликлар ярим ҳимоячисини ёзда жамоани тарк этадиган Андре Эрерани ўрнини босишига ишонмоқда.

Нашр хабарига кўра, “шаҳарликлар” Сауль учун курашда ҳамшаҳарларидан устун бўла олмасликларини билишган ва унинг ўрнига “Атлетико”нинг бошқа бир футболчиси Родриго Эрнандесга “оғиз солишган”. “Сити” устози Хосеп Гвардиоланинг фикрича, Родри “шаҳарликлар” сафида 33 ёшли бразилиялик Фернандиньони ўрнини эгаллаши мумкин.

Ўз навбатида “Атлетико” ҳар иккала футболчиси билан хайрлашиш ниятида эмас. Аммо Родригони жамоада ушлаб қолиш мадридликларга осон бўлмайди. Чунки унинг товон пули 70 миллион евро этиб белгиланган. Бу эса инглиз клуби учун у қадар катта сумма ҳисобланмайди. Саульнинг товон пули эса 150 миллион еврога баҳоланган.

“Атлетико” ярим ҳимоячиси Манчестер клублари нишонида