Шу муносабат билан рақибларимиз сафида ўйнайдиган легионер футболчилар ҳақида қисқача маълумотлар бериб ўтишни лозим топдик.

Йоханес Креидлер ("Гамбург", Германия)
Терма жамоанинг иккинчи рақамли посбони. Л Лекин, 1996 йилда таваллуд топган дарвозабон ҳозирча ушбу ЖЧда майдонга тушгани йўқ. 19 ёшли дарвозабоннинг бўйи 1,94 метрни ташкил этади.

Филип Лейнхарт ("Реал", Испания)
18 ёшли футболчи "қироллик клуби"нинг ёшлар жамоаси футболчиси ҳисобланади. 1,85 метр бўйга эга бўлган ҳимоячи гуруҳ ўйинларининг иккитасида майдонга тушди.

Франческо Ловрич ("Штутгарт", Германия)
Яна бир Бундеслига ҳавосидан нафас олган футболчи. Ушбу футболчи гуруҳдаги барча ўйинларда майдонга тушган. Ҳимоячи. Умуман, рақиб футболчиларига эътибор берадиган бўлсак, жамоа таркиби бўйдор футболчилардан ташкил топган экан. Ловричнинг бўйи 1,84 метр.

Патрик Пушегер ("Бавария", Германия)
Ҳимоячи. 1995 йилда туғилган футболчининг бўйи 1,88 метрни ташкил этади. "Бавария" ёшлари таркибида ўйнайди.

Флориан Гриллиш ("Вердер", Германия)
Бременликлар ёшлар жамоаси футболчиси. Ярим ҳимоячи гуруҳ ўйинларининг иккитасида майдонга тушган. Рақиб сафидаги ҳавфли футболчилардан бири. Бўйи 1,87 метрни ташкил қилади.

Австрия ёшлари таркибидаги легионерлар