Айбек Нурбоевнинг айтишича, у “Истиқлол” клубида бошқа тўп тепмоқчи эмас. – Очиғини айтганда, “Истиқлол”даги ички муҳит ва жамоа менга умуман тўғри келмади. Футбол ўйнаш орқали, нафақат пул топасан балки завқ ҳам олиш керак. Фарғонада буни имкони йўқлигини тушуниб етдим. Шу боис у ерга бошқа бормасликка қарор қилдим.

Тан оламан, сўнгги йилларда фаолиятимда сезиларли пасайиш юз берди. Қийин вазиятдан чиқиб кета олмаяпман. Агарда бу йил ҳам Суперлига клубларидан чорлов бўлмаса, бутсаларимни михга илмоқчиман.

- Менга Қорақалпоғистон футбол ассоциациясидан таклиф бўлди. Ҳозирда ўзим учун янги бўлган футболнинг бошқа бир қисмида иш ўрганиш жараёнини ўтказяпман. Ассоциация вице-президенти лавозимида собиқ ҳакам Исҳоқ Ибрагимов иш юритмоқда. У киши менга ёрдам беришим кераклигини сўраб, таклиф қилганида йўқ дегим келмади. Эхтимол январ ойидан расман Қорақалпоғистон футбол ассоциациясида фаолятимни бошларман – дейди Айбек Нурбоев.

Айбек Нурбоев “Истиқлол”дан кетди