"Яхши ўйин бўлди. Ўзбекистонга қарши ўйинда шогирдларимнинг ҳаракатларидан қониқиш ҳосил қилдим. Ўзимиз ўйлаган ўйинимизни намойиш эта олдик. Шу сабабдан ҳам улар узоқ вақт давомида дарвозамизга йўл топа олишмади. Буни кутгандик. Кичик хато ўйин тақдирини ҳал қилди. Лекин, бундан фожеа ясамаймиз. Кейинги ўйинларга тайёрланишда давом этамиз.

Албатта тактик ўйин бўлди. Зарба беришга имкон бўлиши билан зарба бердик. Имкон бўлмаган пайтларда эса узун паслар орқали ҳужум уюштиришга уриндик. Ўйинни ҳимояда ушлаб турмоқчи эдик.

Мана шундай катта стадионда Сурия терма жамоаси босим остида ўйнади. Бунга тайёр эмасдик. Бугун Осиёнинг энг кучли жамоаларидан бирига қарши ўйнадик.

Нимага Макао эмас, Малайзия? Биз ОФКдан бу борада хат олдик. Макаода ўйнай олмаслигимиз борасида. Шу сабабдан ҳам Малайзия варианти танланди. Энди уй ўйинларимизни ўша ерда ўтказамиз.

Футболда хатолар бўлиб туради. Нима учундир гол бўлган вазиятда жамоа ҳакамнинг ўйинни тўхтатишини кутиб қолди. Жамоа қотиб қолди... На чора, футболда бундай вазиятлар бўлиб туради.

Шуни қўшимча қилишни истайман: Ўзбекистон терма жамоаси ҳақли равишда ғалаба қозонди. Табригимни қабул қилинг!

Кейингни ўйингача бўлган муддат жуда қисқа. Хатоларимиздан ҳулоса чиқарган ҳолда кейинги ўйинга тактик томонлама тайёргарлик кўришимиз лозим", - дейди сурияликлар мураббийи.

Азиз Тўхтамуродов

Айман Ал Ҳаким: "Мағлубиятдан фожеа ясамаймиз, Ўзбекистон ҳақли равишда ғалаба қозонди"