Анталя шаҳридаги “Emir Hotels” спорт мажмуасида ўтган мазкур баҳсда вакилларимиз Африка қитъасининг икки карра чемпионлари Экватор Гвинеясига қарши кураш олиб борди.
Ўйинни тўлиқ устунлик билан ўтказган аёллар терма жамоамиз якунда 5-0 ҳисоби билан ғалабага эришди. Голларга Нилуфар Қудратова, Мафтуна Шойимова, Диёра Хабибуллаева ҳамда Лианна Нарбекова муаллифлик қилди.
Баҳром Норсафаров шогирдлари бугун куннинг иккинчи ярмида навбатдаги учрашув учун тайёргарлик жараёнини бошлайди. 20-феврал кунги 2-тур баҳсида терма жамоамизга Жаҳон чемпионатларининг мунтазам иштирокчиси, Африка биринчилигининг 11 карра ғолиби Нигерия аёллар терма жамоаси рақиблик қилади.
“Festival Women’s Trophy 2021” | 1-тур
Ўзбекистон 5:0 Экватор Гвинеяси
Голлар: Нилуфар Қудратова (дубль), Мафтуна Шойимова, Диёра Хабибуллаева, Лианна Нарбекова
Изоҳлар