Гап шундаки, Фарғонада бўлиб ўтган ўйинда 2:0 ҳисобида мезбонлар ғалаба қозонган. Жавоб ўйинида "Қўқон-1912" жамоаси меҳмонлар дарвозасига 2та тўп киритган.

Икки жамоа бир хил ҳисобда ғалаба қозонганидан кейин учрашув бош ҳаками И.Исмоилов ва назоратчи И. Раҳимовнинг боши қотади. Чунки, аёллар футболидаги регламентда қуйидаги банд бор.

2.3. Чемпионат Узбекистана среди женских клубов (команд) проводится на основании настоящего Регламента.
2.4. Первенство, Кубок, Фестивали, Суперкубок по футболу среди женских футбольных клубов (команд) Узбекистана проводятся на основании дополнительных положений, разработанных ФФУ и ПФЛУз.

Яъни, кубок ўйинлари учун қўшимча низом ишлаб чиқиш керак. Лекин ҳакамларнинг қилган мурожаатига кўра, қўшимча низом ишлаб чиқилмагани ҳақида жавобни олишган. Натижада ўйинга қўшимча дақиқалар қўшилган. Қўшимча дақиқа эса 1:1 ҳисобида якунига етган. Бундай ҳолда нима бўлади, пенальтими ёки меҳмонда урилган гол қоидаси?

Ҳакам ўйинни тўхтатади, "Нефтчи" ғолиб сифатида ортга кетади. Лекин учрашув назоратчиси ўйлаб қолади, яна телефон... Аллақачон йўлга чиқиб бўлган "Нефтчи" вакилларига қўнғироқ қилишади ва тўхтаб туришни айтишади. Анча вақтдан кейин яна қўнғироқ, кетаверинглар. Ҳангома, тўғрими?

Биз бошқа мусобақаларни синчиклаб ўрганиб чиқдик, қаердадир сафардаги гол қоидасига амал қилишса, яна қаердадир пенальти белгилинар экан. Айрим давлатларда эса аёллар футболига қўшимча дақиқа қўшмасдан, навбат пенальтиларга берилади.

Лекин, қандай қилиб ПФЛ ўзи ўтказётган мусобақага низом ишлаб чиқмагани қизиқ.

Аёллар футболи. Ўзбекистон кубогида ҳангома