14-бор ўтказилаётган мусобақада бешта жамоа ғолиблик учун курашадиган бўлди. Булар – “Севинч” (Қарши), “Металлург” (Бекобод), “Локомотив” (Тошкент), АГМК (Олмалиқ) ҳамда “Пахтакор” (Тошкент). Аслида иштирокчилар сони 7-8тани ташкил этиши кутилганди, бироқ сўнгги паллаларда “Бухоро” ва “Шўртан” жамоалари турнирда қатнашмасликларини маълум қилишди.

Учрашувлар тақвими:

15 февраль
09.00 “Севинч” – “Пахтакор”
10.30 “Металлург” – АГМК
“Локомотив” жамоаси дам олади.

16 февраль
09.00 “Локомотив” – “Металлург”
10.30 АГМК – “Севинч”
“Пахтакор” жамоаси дам олади.

17 февраль
09.00 “Локомотив” – “Севинч”
10.30 “Пахтакор” – АГМК
“Металлург” жамоаси дам олади.

18 февраль
10.30 “Металлург” – “Севинч”
12.00 “Локомотив” – “Пахтакор”
АГМК жамоаси дам олади.

19 февраль
10.30 “Металлург” – “Пахтакор”
12.00 “Локомотив” – АГМК
“Севинч” жамоаси дам олади.

Эслатиб ўтамиз, аёллар ўртасидаги футзал чемпионатининг олдинги 13 мавсумининг барча бош совринлари “Севинч” жамоасига насиб этган.

Мазкур чемпионат ўйинлари шу йилнинг 2-12 май кунлари Таиланд пойтахти Бангкокда ўтадиган аёллар футзали бўйича Осиё чемпионатида иштирок этиши режалаштирилган терма жамоамизга номзодлар танлаб олиш имкониятини бериши билан ҳам аҳамиятлидир. Тартиб бўйича иккинчи бор ташкиллаштирилаётган қитъа чемпионатида аёллар терма жамоамизнинг совринли ўринлардан жой олишига эътибор қаратилмоқда. 2015 йили Малайзияда бўлиб ўтган илк Осиё чемпионатида Аваз Мақсумов устозлигидаги терма жамоамиз гуруҳдан чиқа олмаганди.

Аёллар футзали: 14-чемпионатда бешта жамоа қатнашади