XIV бор ўтказилаётган ушбу мусобақада тарихда илк бор 16 та жамоа иштирок этади. Жамоалар орасидан 12 таси Суперлига жамоалари бўлса, қолган 4 таси қуйи лига вакиллари. Бўлажак турнирга кеча Жиззах шаҳрининг “Караван” меҳмонхонасида қуръа ташлаш маросими бўиб ўтди. Қуръа ташлаш маросимидан сўнг ПФЛ футзал, аёллар ва соҳил футболи бўлими бош мутахасиси Ойбек Юнусовдан мусобақа тарихи, формати ҳақида сўрадик.

МУСОБАҚА ТАРИХИ

Ушбу мусобақа 2006йилдан буён ўтказиб келинмоқда. Бўлажак турнир XIV маротаба ташкил этилмоқда. Аввалги мавсумларда баъзан турнир ўтказилмаган вақтлар ҳам бўлган. Илк бора 16 та жамоа иштирок этмоқда. Тарихда хатто 3 та жамоа иштирок этган мусобақалар ҳам бўлган экан. Бу турнирда 12 маротаба “Севинч” жамоаси ва бир марта “Зарафшон” жамоалари ғолибликни қўлга киритишган.

МУСОБАҚА ТАҚВИМИ

Мусобақада 16 та жамоа қуръа орқали бўлинди. Яъни ушбу турнир нимчорак, чорак, ярим финал ва финал тарзида бўлиб ўтади. Нимчокар финал баҳслари 2-3-март кунлари бўлиб ўтади. Баҳслар Тошкент вақти билан 09:30, 11:30, 15:00, 17:00 да бўлиб ўтиши режалаштирилган. Нимчорак финалда ғолибликни қўлга киритганлар 4 март санасида чорак финал баҳсларида майдонга тушишади. Ярим финал ўйинлари 5 март куни соат 10:00 ва 12:00 да бўлиб ўтса, сўнгги, ҳал қилувчи финал ўйини 6 март, соат 10:00 да ўтказилади.

Қуйида нимчорак финал баҳслари ва бошланиш вақтлари кўрсатилган:

02.03.2020
09:30 “Бунёдкор-W” – “Севинч”
11:30 “Металлург- W” – “Қўқон-1912-W”
15:00 “Пахтакор- W” – “Қизилқум-гули”
17:00 “Бахмал” (Жиззах) – “Машъал-W”

03.03.2020
09:30 “Бухоро-W” – “АГМК-W”
11:30 “Сурхон-W” – “Андижанка”
15:00 “Сўғдиёна-W” – “Навбаҳор-W”
17:00 “Локомотив-W” – “АГМК 2-W”

Айрим сабабларга кўра “Севинч-2” жамоаси мусобақада қатнаша олмайди ва унинг ўрнига Жиззахнинг “Бахмал” жамоаси иштирок этмоқда.

Оғабек Самисов тайёрлади

Аёллар футзали. Бугун Ўзбекистон кубоги старт олади