Жамоада бош директор сифатида Азамат Алланиёзов фаолият олиб бораётган Азамат Алланиёзов "Арал"нинг янги мавсумга тайёргарлиги ва таркибдаги ўзгаришлар ҳақида "Про лига шарҳи" кўрсатувида айтиб ўтди.
"Арал" жамоаси 6 февраль санасидан Тошкентда йиғилганмиз. Олдиндан режалаштирилган 7та назорат учрашувини навбати билан ўтказяпмиз. Кайфиятларимиз аъло даражада. Керакли позицияларимизга футболчиларни жалб қилиш жараёни давом этмоқда. Яқин кунларда таркибимиз тўлиқ шаклланади, деб ўйлайман.
Про лиганинг янги мавсумида 8та жамоа бўлиши бир томондан яхши. Айниқса Суперлигани мақсад қилган жамоалар ўртасида яхши кураш кетади. 4 даврали формат қизиқ бўлади. Биз ҳам Суперлигага йўлланма олишга ҳаракат қиламиз.
Жамоамизни тарк этган футболчиларни ўзимизнинг "Жайхун" жамоасига бердик. Уларнинг ўрнига Аъзам Алиев каби тажрибали футболчиларни таклиф қилганмиз. Кўрикдаги бошқа футболчилар ҳам мураббийда яхши таассурот қолдирса, улар билан шартнома имзолаймиз",- дейди Азамат Алланиёзов.
Изоҳлар