Муҳсин Муҳаммадиев бошчилигидаги “Бухоро” жамоаси бугун пойтахтда “Пахтакор” меҳмони бўлди ва йирик ҳисобда мағлубиятга учради. Баҳсдан сўнг дастлабки дақиқалардан асосий таркибда ҳаракат қилган Азиз Амонов фикрлари билан ўртоқлашди.

“Яхши ўйин бўлди. “Пахтакор” ўз майдонида устунлик қилишини билар эдик. Ўйинга ҳар томонлама тайёрландик. Барибир бугун махорат ўз сўзини айтди. Жамоамиздаги футболчилар кўпи янги, турли жамоалардан келиб қўшилишган. Ўйиндан, ўйинга шаклланиб боришга ҳаракат қиламиз. Ўз устимизда ишлаб кейинги турларда бу мағлубиятлар тасодиф эканлигини исботлашга, шунингдек, мухлисларни хурсанд қилишга боримизни берамиз. Узоқ масофа босиб келган ишқибозларимизга раҳмат айтаман. Икки ўйинда ҳам бир хил ҳисобда мағлуб бўлдик, Қўқонда ўзимизни кўрсата олмадик. Биз биринчи турга суъний майдонда тайёргарлик кўргандик, табиий майдон билан ўртасида фарқ бор. Жамоа янгидан ташкил этилаётгани боис ҳали футболчилар тўлиқ киришиб кета олишганича йўқ”, деди “Бухоро” футболчиси.

Абдулазиз Искандаров ёзиб олди

Азизбек Амонов: “Бухоро” кейинги турларда мағлубиятлар тасодифлигини исботлаш ва мухлисларни хурсанд қилиш учун ўйнайди”