- Ўйин зўр бўлди. Биринчи тайм биз кутгандек ўтди. Иккинчи таймда йигитларнинг ўйини чиқмади. Кейинги баҳсда биз олдингидан-да яхшироқ ўйин кўрсата оламиз деб ўйлайман.

- Жаҳон чемпионатини яхши натижа бошлаб олдик. Сизларга раҳбарият томонидан қандай минимум вазифа қўйилган?

- Минимум вазифани билмадим. Лекин биз ўзимиз акаларимиз қилган ишдан кўпроғини бажармоқчимиз.

- Ўзбекистон термаси Парагвайдан устунмиди?

- Улар жисмонан кучли эди. Агарда биз тўп билан тезроқ ўйнасак, улар ҳеч нима қила олмасди.

- Парагвай тепган пенальти ҳақида фикрингиз қандай?

- Буни аниқ пенальти деб айта олмайман. 50га 50 вазият эди.

- Ирландияга қарши ўйинга тайёргарлик бошланди. Ушбу рақибни қандай ўрганиб чиқдингизлар?

- Бу рақибни энди ўргана бошладик. Ирландия ҳам яхши жамоа экан. Уларни ҳам мағлуб этиб, 6 очколи бўлишга ҳаракат қиламиз.

Азизбек Эримбетов: "Кейинги баҳсда биз олдингидан-да яхшироқ ўйин кўрсата оламиз деб ўйлайман"