- Ўйин ҳақида фикрингиз?

- Бугун олти очколи баҳсни ўтказдик. Чунки жамоалар турнир жадвалида бир-бирига яқин жойлашганди. Мавсум бошидан бери кузатиб келяпмиз, "Хоразм" тўпни назорат қилиш бўйича яхши жамоа ҳисобланади. Бугун бизга қийин бўлди. Тўпсиз кўроқ ҳаракат қилганимиз бос футболчиларимиз толиқиб қолди ва кўп куч йўқотдик. Шунга қарамай йигитларга охиригача кураш олиб боришгани учун раҳмат айтмоқчиман. Ўйлайманки, дуранг бизни ҳам, рақибни ҳам қониқтирмади. Сабаби уч очко ҳар икки жамоага зарур эди. Иккала жамоада ҳам вазиятлар бўлди. Ким гол урса ютиб кетарди.

- Жамоангиз кўп ҳужум қилди, бироқ хавфли вазиятлар кам юзага келди.

- Тўғри айтдингиз, кўп ҳужум қилганимиз билан кам вазиятларни юзага келтирдик. Балки бу футболчиларимизнинг тўпни олдириб қўйишга қўрққани билан боғлиқ бўлса керак. Хаёлда ютқазиб қўймаслик бўлди ва бу ҳам ўйинга ўз таъсирини ўтказди.

- Шаҳзод Бешимов нима учундир кўринмай қолди.

- Чунки у оғир жароҳат олиб ҳозир даволаниш муолажаларини олиб боряпти. Бешимов оёғини операция қилдирди ва соғайиб майдонга қайтиши учун бирмунча вақт керак бўлади. У бу мавсум охиригача сафдан чиқди. Насиб қилса келаси мавсум жамоамизга ёрдам беради.

Баҳром Ҳайдаров: "Дуранг бизни ҳам, рақибни ҳам қониқтирмади"