Ўйин ҳақида

- Ўтган турдаги "Хоразм" билан ўйиндаги муваффақиятсизликдан сўнг бугун бизга ғалаба зарур эди. "Дўстлик" таркибида ёш футболчилар бор, улар ўйинлар давомида кучайиб боришади. Тезкор гол киритдик, ўйинни назорат қилишга интилдик. Йигитларга рахмат айтаман, бугун ғалабага ҳақли ўйин кўрсатдик. "Дўстлик" жамоасига навбатдаги тур учрашувларида омад тилайман.

- Ўйин сифатидан қониқдингизми?

- Футболда турлича руҳият бўлади. Қаердадир нимадир ўхшаса, кейингисида вазият мутлақо ўзгариб кетади. Жамоамиз аъзолари ҳар бир ўйинда охиригача курашишаяпти.

- Сариқ карточкалар охир-оқибат йўқотишларга олиб келади. Бизда ҳозир ўйин вақтини чўзиш, ҳакам билан тортишиш ва симуляция учун алоҳида бандлар киритилган. Шу ҳолат бўйича фикрингиз қандай?

- Футбол эмоцияларга бой ўйин. Айнан эмоциялар футболни янада жозибали қилади. Нейтрал ҳолатда Европа футболини кўринг, етарлича эмоцияларни топасиз. Умуман бу - футболдаги нормал ҳолат.

Улуғбек Бакаев: "Футбол эмоциялар билан янада қизиқарли"